رومیوں 15:5 - کِتاب مُقدّس سرائیکی ترجمہ

⁵ ہُنڑ صبر تے تسلی ڈیوݨ آلا خُدا تُہاکُوں مسیح یسُوع دے بندے ہوندے ہوئے آپس ءچ ہِک دل تھی تے راہوݨ دی توفیق ڈیوے۔

رومیوں 15:5 Iomraidhean Croise

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:3

کیوں جو مسیح وی آپنڑی خوشی دا خیال نہ رکھیا بلکہ لِکھیا ہے جو ”تیڈے لعن طعن کرݨ آلیاں دی لعن طعن میڈے اُتے آ پئی ہے۔“

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

فِلِپّیوں 2:2

تاں میڈی خوشی اِینویں پُوری کرو جو ہِک ای سوچ رکھو، ہِکو جیہی محبت رکھو، ہِک جان تھیؤ تے یک دل راہو۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

فِلِپّیوں 4:2

یُوؤدیہ تے سُنتخے ڈُوہائیں بھینڑیں دی میں مِنت کریندا ہاں جو تُساں خُداوند یسُوع ءچ یک دل راہو۔

1 پطرس 3:20

جیہڑیاں پِچھلے زمانہ ءچ نافرمان ہَن، جِیں ویلے خُدا نُوح دی کشتی بنڑݨ تئیں صبر نال اِنتظار کیتا۔ اُوں کشتی ءچ بہُوں تھوڑے یعنی اَٹھ بندے پانڑی ءچوں لنگھ تے بچ نِکلے۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔

2 پطرس 3:9

خُداوند آپنڑا وعدہ پُورا کرݨ ءچ دیر نئیں کریندا جِینویں کُجھ لوک سمجھدے ہِن، بلکہ او تُہاڈے کیتے صبر کریندے، کیوں جو او کہیں دی ہلاکت نئیں چاہندا بلکہ چاہندے جو ہر کوئی توبہ کرے۔