رومیوں 14:9 - کِتاب مُقدّس سرائیکی ترجمہ

⁹ کیوں جو مسیح اِیں واسطے مویا تے زندہ تھیّا جو مویاں تے زندیاں ڈوہائیں دا خُداوند ہووے۔

رومیوں 14:9 Iomraidhean Croise

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

یُوحنّا 12:24

مَیں تُہاکُوں سچ آدھا ہاں جو جئیں تئیں کنڑک دا دانڑا زمین ءچ ڈھے تے مر نئیں ویندا، کلھا راہندھے، پر جے او مر ونجے تاں بہُوں سارا پھل پیدا کریندے۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

اعمال 10:42

تے اُوں ساکُوں حُکم ڈِتا جو لوکاں ءچ تبلیغ کرُوں تے گواہی ڈیؤں جو ایہ اُوہو ہے جیہڑا خُدا دی طرفوں زندیاں تے مُردیاں دا مُنصف مقرر کیتا گئے۔

رومیوں 10:9

جے تُوں آپنڑی زبان نال اِقرار کریں جو یسُوع خُداوند ہے تے آپنڑے دل نال اِیمان گِھن آویں جو خُدا اُونکُوں مُردیاں ءچوں زندہ کیتے تاں نجات پا گِھنسیں۔

2کُرِنتھِیوں 5:14

اساں مسیح دی محبت دے سببّوں مجبور ہیں کیوں جو اساں اِیں نتیجے اُتے پُجے ہیں جو جِیں ویلے مسیح ساریاں کیتے مویا تاں اِیندا مطلب ہے جو سبھ مر گئے۔

1تھِسّلُنیکیوں 4:14

کیوں جو جڈاں ساکُوں یقین ہے جو یسُوع مر گِیا تے ولا زندہ تھی گِیا، تاں ساکُوں اِیندا وی یقین ہے جو خُدا اُنہاں کُوں وی جیہڑے مسیحی ہوندے ہوئے سَم گئے ہِن، یسُوع نال ولا گِھن آسی۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 4:5

پر اُنہاں کُوں اُونکُوں حساب ڈیونڑا پوسی جیہڑا زندیاں تے مُردیاں دی عدالت کرݨ کُوں تیار ہے۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 2:8

سمُرنہ دی کلیسیا دے فرشتہ کُوں ایہ لِکھ جو جیہڑا اوّل تے آخر ہے تے جیہڑا مر گِیا ہا تے ولا زندہ تھی گئے، او فرمیندے جو