رومیوں 14:1 - کِتاب مُقدّس سرائیکی ترجمہ

¹ کمزور اِیمان آلے کُوں آپنڑے ءچ شامل تاں کر گِھنو پر جِینکُوں او صحیح یا غلط سمجھدا ہے اُوندے بارے ءچ تکرار نہ کرو۔

رومیوں 14:1 Iomraidhean Croise

متّی 12:20

ایہ لتاڑے ہوئے کانے کُوں نہ تُوڑیسی تے نہ بُجھدے ہوئے ڈیوے کُوں وِسمیسی جئیں تئیں اِنصاف کُوں فتح نہ ڈیوا وے۔

متّی 14:31

یسُوع فوراً ہتھ ودھا تے اُونکُوں پکڑ گِھدا تے آکھیا، ”کمزور اِیمان آلے! تَیں کیوں شک کیتے؟“

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

مرقس 7:19

اِیں واسطے جو او اُوندے دل ءچ نئیں بلکہ پیٹ ءچ ویندی ہے، تے ولا خارج تھی ویندی ہے؟“ ایہ آکھ تے اُوں کھاوݨ آلیاں سبھ چیزاں کُوں پاک قرار ڈِتا۔

لُوقا 17:2

اِنہاں چھوٹیاں ءچوں کہیں کیتے اِیمان تُوں گُمراہ تھیوݨ دا سبب بنڑݨ کنُوں اُوندے کیتے اِیہو چنگا ہے جو چکّی دا بھارا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ویندا۔

یُوحنّا 13:20

مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“

اعمال 28:2

اُتھوں دے لوک ساڈے نال وڈی مہربانی نال پیش آئے۔ اُنہاں بھاہ بال تے ساڈا اِستقبال کیتا کیوں جو بارش تھیندی پئی ہئی تے سردی ہئی۔

رومیوں 11:15

کیوں جو جِیں ویلے اُنہاں دا رَد تھی ونجنڑ، دُنیا کیتے خُدا نال صُلح دا سبب بنڑ گِیا تاں اُنہاں دا ولا قبول تھی ونجنڑ مُردیاں ءچوں زندہ تھی ونجنڑ الی کار نہ ہوسی؟

رومیوں 14:2

ہِک بندے دا اعتقاد ہے جو ہر چیز کھا سگدے پر ڈُوجھا بندہ جِیندا اِیمان کمزور ہے، او صرف سبزیاں کھاندے۔

رومیوں 14:21

اِیہو چنگا ہے جو تُوں نہ گوشت کھاویں، نہ انگُور دا رَس پِیویں تے نہ ایجھا کم کریں جیندے نال تیڈے بِھرا کُوں تُھڈا لگے۔

رومیوں 14:3

ہر چیز دے کھاوݨ آلا پرہیز کرݨ آلے کُوں کم تر نہ سمجھے تے پرہیز کرݨ آلا کھاوݨ آلے اُتے اِلزام نہ لاوے کیوں جو اُونکُوں خُدا قبول کر گِھدے۔

رومیوں 15:1

اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ صرف آپنڑی خوشی کرُوں۔

رومیوں 15:7

جِینویں مسیح تُہاکُوں قبول کر گِھدے، اِینویں ای تُساں وی ہِک ڈُوجھے کُوں قبول کرو تاں جو خُدا کُوں جلال مِلے۔

رومیوں 4:19

ابرہام تقریباً سو سال دا ہا تے جانڑدا ہا جو اُوندا جسم مُردے آلی کار ہے تے سارہ دا رِحم وی مُردے آلی کار ہے، وَل وی اُوندا اِیمان کمزور نہ تھیّا۔

1کُرِنتھِیوں 9:22

کمزوراں دی خاطر کمزور بنڑیا تاں جو کمزوراں کُوں گِھن آواں۔ مَیں ساریاں لوکاں دی خاطر سبھ کُجھ بنڑیا تاں جو کہیں نہ کہیں طرحاں کُجھ کُوں بچا سگاں۔

فِلِپّیوں 2:29

بس تُساں خُداوند ءچ وڈی خوشی نال اُوندا اِستقبال کرائے تے ایجھے لوکاں دی عزت کیتا کرو۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

عبرانیوں 5:14

پر روٹی وڈیاں کیتے ہوندی ہے جیہڑے تجربے تے تربیت نال اِیں قابل تھی گئے ہِن جو نیکی تے بُرائی ءچ فرق کر سگنڑ۔

2 یُوحنّا 1:10

جے کوئی تُہاڈے کولھ آوے پر ایہ تعلیم نہ ڈیوے تاں اُونکُوں آپنڑے گھر ءچ داخل نہ تھیوݨ ڈیؤ بلکہ سلام وی نہ کرو۔