رومیوں 13:7 - کِتاب مُقدّس سرائیکی ترجمہ

⁷ ہر ہِک کُوں اُوندا حق ڈِتا کرو۔ جِینکُوں ٹیکس ڈیونڑا چاہیدے اُونکُوں ٹیکس ڈیؤ، جِینکُوں محصُول ڈیونڑا ہووے اُونکُوں محصُول ڈیؤ، جئیں کنُوں ڈرنڑا چاہیدے، اُوں کنُوں ڈرو تے جِیندا احترام کرنڑا چاہیدے، اُوندا احترام کرو۔

رومیوں 13:7 Iomraidhean Croise

متّی 17:25

اُوں آکھیا، ”ہاں ڈیندے۔“ او گھر ءچ داخل تھیّا تاں یسُوع اُوندے بولنڑ کنُوں پہلے آکھیا، ”شمعون! تیڈا کیا خیال ہے؟ دُنیا دے بادشاہ کیہڑے لوکاں کنُوں محصُول یا ٹیکس گِھندے ہِن؟ آپنڑے پوتراں کنُوں یا غیراں کنُوں؟“

متّی 22:21

اُنہاں اُونکُوں آکھیا، ”رومی بادشاہ قیصر دا۔“ وَل اُوں اُنہاں کُوں آکھیا، ”جیہڑا قیصر دا ہے قیصر کُوں تے جیہڑا خُدا دا ہے خُدا کُوں ڈیؤ۔“

مرقس 12:17

یسُوع اُنہاں کُوں آکھیا، ”جیہڑا قیصر دا ہے او قیصر کُوں، تے جیہڑا خُدا دا ہے او خُدا کُوں ڈِتا کرو۔“ او یسُوع دی گالھ سُنڑ تے بہُوں حیران تھئے۔

لُوقا 20:22

ساکُوں رومی بادشاہ قیصر کُوں ٹیکس ڈیوݨ جائز ہے یا نئیں؟“

لُوقا 20:25

اُوں اُنہاں کُوں آکھیا، ”بس جیہڑا قیصر دا ہے قیصر کُوں تے جیہڑا خُدا دا ہے، خُدا کُوں ادا کرو۔“

لُوقا 23:2

تے اُنہاں اُوندے اُتے اِلزام لاوݨ شروع کیتا جو ”اساں اِیں بندے کُوں آپنڑی قوم کُوں ورغلیندے تے رومی بادشاہ قیصر کُوں ٹیکس ڈیوݨ کنُوں منع کریندے تے آپنڑے آپ کُوں المسیح بادشاہ آدھے ڈِٹھے۔“

رومیوں 12:10

برادرانہ محبت نال ہِک ڈُوجھے کُوں پیار کرو۔ آپنڑے کنُوں زیادہ ڈُوجھیاں دی عزت کرو۔

رومیوں 13:6

تُساں ٹیکس وی اِیں وجہ تُوں ڈیندے ہیوے، کیوں جو حکُومت کرݨ آلے خُدا دے خادم ہِن تے آپنڑے کم ءچ مصروف راہندے ہِن۔

اِفِسیوں 5:33

بہرحال تُہاڈے ءچوں ہر پئے کُوں چاہیدے جو او آپنڑی ذال نال آپنڑے وانگُوں محبت رکھے تے ذال کُوں وی چاہیدے جو او آپنڑے پئے دی عزت کرے۔

اِفِسیوں 6:5

نوکرو! ڈردے تے کمبدے ہوئے صاف دِلی نال آپنڑے دُنیاوی مالکاں دی فرمانبرداری کرو جِینویں مسیح دی کریندے ہیوے۔

1 تِیمُتھِیُس 5:13

اِیندے علاوہ او گھر گھر بیکار پِھردیاں ہِن تے نہ صرف بیکار راہندیاں ہِن بلکہ فضول گالھیں کر تے ڈُوجھیاں دے معاملیاں ءچ دخل اندازی وی کریندیاں ہِن تے غیرمناسب گالھیں آدھیاں ہِن۔

1 تِیمُتھِیُس 5:17

جیہڑے بزُرگ چنگی راہنمائی کریندے ہِن، خاص کر او جیہڑے کلام سُنڑیندے تے تعلیم ڈیندے ہِن، ڈُونڑی عزت دے حقدار ہِن۔

1 تِیمُتھِیُس 6:1

جیہڑے نوکر غُلامی دی پنجالی ءچ ہِن او آپنڑے مالکاں کُوں پُوری عزت دے لائق سمجھنڑ تاں جو کوئی خُدا دے ناں دی تے ساڈی تعلیم دی بدنامی نہ کرے۔

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔