رومیوں 13:12 - کِتاب مُقدّس سرائیکی ترجمہ

¹² رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

رومیوں 13:12 Iomraidhean Croise

رومیوں 13:14

بلکہ خُداوند یسُوع المسیح کُوں پا گِھنو تے جِسم دیاں بُریاں خواہشاں کُوں پُورا کرݨ ءچ نہ لگے راہو۔

1کُرِنتھِیوں 10:11

ایہ گالھیں اُنہاں کیتے سبق دے طور تے پیش آئیاں تے اساں آخری زمانے آلیاں دی نصیحت کیتے لِکھیاں گئیاں۔

1کُرِنتھِیوں 7:29

بِھراؤ! مَیں ایہ آدھا ہاں جو وقت گھٹ ہے، اِیں واسطے اگُوں کنُوں ذال آلے اِینویں ہووݨ جِینویں او بغیر ذال دے ہِن۔

2کُرِنتھِیوں 10:4

کیوں جو ساڈی لڑائی دے ہتھیار دُنیاوی نئیں بلکہ خُدا دی طرفوں مضبوط قلعیاں کُوں ڈھا ڈیوݨ دی قُدرت رکھیندے ہِن۔

2کُرِنتھِیوں 6:7

سچے کلام، خُدا دی قُدرت دے ذریعے تے راستبازی دے ہتھیاراں دے ذریعے جیہڑے ساڈے سجے کھبے ہتھاں ءچ ہِن،

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 5:11

اندھارے دے بے پھل کماں ءچ شریک نہ تھیؤ بلکہ اُنہاں اُتے ملامت کرو۔

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

عبرانیوں 10:25

آپس ءچ میل جول رکھنڑ نہ چھوڑوں جِینویں کُجھ لوکاں دی عادت بنڑ گئی ہے بلکہ اساں ہِک ڈُوجھے کُوں مزید حوصلہ ڈیؤں خاص کر ایہ ڈیدھے ہوئے جو مسیح دے واپس آوݨ دا ڈینہہ نیڑے آندا پِیا ہے۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

یعقُوب 1:21

اِیں واسطے ساری ناپاکی تے بُرائی کُوں دُور کر تے اُوں کلام کُوں فروتنی نال قبول کر گِھنو جیہڑا تُہاڈے دِلاں ءچ رہایا گئے تے تُہاکُوں نجات ڈے سگدے۔

یعقُوب 5:8

تُساں وی صبر کرو تے دِلاں کُوں مضبوط رکھو کیوں جو خُداوند دی آمد نیڑے ہے۔

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

2 پطرس 3:11

جِیں ویلے سبھ چیزاں اِینویں پگھرݨ آلیاں ہِن تاں تُہاکُوں کیجھے لوک ہوونڑا چاہیدے؟ تُہاکُوں تاں بہُوں ای پاکیزگی تے پرہیزگاری دی زندگی گُزریندے ہوئے

2 پطرس 3:9

خُداوند آپنڑا وعدہ پُورا کرݨ ءچ دیر نئیں کریندا جِینویں کُجھ لوک سمجھدے ہِن، بلکہ او تُہاڈے کیتے صبر کریندے، کیوں جو او کہیں دی ہلاکت نئیں چاہندا بلکہ چاہندے جو ہر کوئی توبہ کرے۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔

مُکاشفہ 1:3

مُبارک ہے او جیہڑا اِیں نبُوّت دے کلام دی تلاوت کریندے تے مُبارک ہِن او جیہڑے سُنڑ تے اِیں نبُوّت ءچ لِکھے ہوئے کلام اُتے عمل کریندے ہِن، کیوں جو وقت نزدیک ہے۔

مُکاشفہ 22:10

وَل اُوں میکُوں آکھیا، ”تُوں اِیں کتاب دی نبُوّت دے گالھیں کُوں مُہر لا تے بند کر تے نہ رکھ، کیوں جو وقت نزدیک ہے۔