رومیوں 13:1 - کِتاب مُقدّس سرائیکی ترجمہ

¹ ہر بندہ اِختیار آلیاں حکومتاں دی تابعداری کرے، کیوں جو کوئی حکُومت ایجھی نئیں جیہڑی خُدا دی طرفوں نہ ہووے۔ جیہڑیاں حکومتاں موجود ہِن، خُدا ای دی طرفوں مقرر تھئیاں ہِن۔

رومیوں 13:1 Iomraidhean Croise

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

رومیوں 12:21

بدی کُوں آپنڑے اُتے غالب نہ آوݨ ڈے بلکہ نیکی نال بدی اُتے غالب آ۔

رومیوں 13:2

اِیں واسطے جیہڑا کوئی حکُومت دی مخالفت کریندے او خُدا دے قائم کیتے ہوئے اِنتظام دی مخالفت کریندے، اُونکُوں سزا مِلسی۔

اِفِسیوں 5:21

مسیح دے خوف ءچ ہِک ڈُوجھے دے تابع راہو۔

1 تِیمُتھِیُس 2:2

بادشاہاں تے وڈے اِختیار آلیاں کیتے وی تاں جو اساں خُدا ترسی تے عزت نال پُر امن تے پُر سکون زندگی گُزار سگوں۔

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

یہُوداہ 1:8

اِیندے باوجود ایہ لوک آپنڑی خوش فہمی ءچ رہ تے آپنڑے جِسم کُوں ناپاک کریندے ہِن، ہر اِختیار کُوں حقیر جانڑدے ہِن تے جلالی ہستیاں دی توہین کریندے ہِن۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

مُکاشفہ 19:16

اُوندے کپڑیاں تے ستھل اُتے ایہ ناں لِکھیا ہویا ہے ”بادشاہاں دا بادشاہ، خُداونداں دا خُداوند۔“