رومیوں 12:12 - کِتاب مُقدّس سرائیکی ترجمہ

¹² اُمید ءچ خوش، مُصیبت ءچ صابر، دُعا کرݨ ءچ لگے راہو۔

رومیوں 12:12 Iomraidhean Croise

متّی 5:12

خوش تھیوائے تے جشن منائے کیوں جو اسمان اُتے تُہاکُوں وڈا اجر مِلسی، اِیں واسطے جو لوکاں تُہاڈے تُوں پہلے نبیاں کُوں وی اِینویں ای ستایا ہا۔

لُوقا 10:20

وَل وی اِیں تُوں خوش نہ تھیؤ جو بدرُوحاں تُہاڈے تابع ہِن بلکہ اِیں گالھ کنُوں خوش تھیؤ جو تُہاڈے ناں اسمان اُتے لِکھے ہوئے ہِن۔“

لُوقا 21:19

آپنڑے صبر نال تُساں آپنڑیاں جاناں کُوں محفوظ رکھیسو۔

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

اعمال 12:5

بس پطرس تاں پہرے ءچ ہا پر ساری کلیسیا اُوندے کیتے خُدا کنُوں دل و جان نال دُعا کریندی پئی ہئی۔

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

اعمال 6:4

پر اساں تاں دُعا ءچ تے کلام دی خدمت ءچ مصروف راہسوں۔“

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:4

جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 8:25

پر جے اساں اُوں چیز دی اُمید رکھیندے ہیں جیہڑی ہُنڑ ساڈے کولھ موجود نئیں، تاں اساں صبر نال اُوندا اِنتظار کریندے ہیں۔

1کُرِنتھِیوں 13:13

بس اِیمان، اُمید تے محبت ایہ ترِیحو ہمیشاں قائم راہندن پر محبت اِنہاں ءچوں افضل ہے۔

2کُرِنتھِیوں 12:8

مَیں اِیندے بارے ءچ خُداوند کنُوں ترے پھیری مِنت کیتی جو ایہ میڈے کولُھوں دُور تھی ونجے۔

فِلِپّیوں 3:1

غرض میڈے بِھراؤ! خُداوند ءچ خوش راہو۔ تُہاکُوں ایہ گالھ ولا ولا لِکھنڑ ءچ میکُوں تاں کوئی مسئلہ نئیں تے اِیندے ءچ تُہاڈا تحفظ ہے۔

فِلِپّیوں 4:4

خُداوند ءچ ہر وقت خوش راہو۔ میں ولا آدھا ہاں جو خوش راہو۔

کلُسِّیوں 1:11

تے تُساں اُوندے جلال آلی قُدرت دے مطابق ہر طرحاں دی طاقت ءچ مضبوط تھیندے ونجو تاں جو تُہاڈے ءچ خوشی نال بے حد برداشت تے صبر پیدا تھیوے،

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

کلُسِّیوں 4:2

شُکرگزاری تے بیداری نال دُعا کرݨ ءچ مصروف راہو۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

2تھِسّلُنیکیوں 3:5

خُداوند تُہاڈے دِلاں کُوں خُدا دی محبت تے آپنڑے صبر کُوں جانڑن دی ہدایت ڈیوے۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

2 تِیمُتھِیُس 3:10

پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

عبرانیوں 10:32

پر اُنہاں پہلے ڈینہاں کُوں یاد کرو جِیں ویلے تُساں اِیمان نال روشن تھیوݨ تُوں بعد شدید تکلیفاں دا ڈُکھ برداشت کیتا۔

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

عبرانیوں 6:12

تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔

عبرانیوں 6:15

اِینویں ابرہام صبر نال اِنتظار کر تے وعدہ کیتی ہوئی برکت گِھدی۔

یعقُوب 5:7

اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

2 پطرس 1:6

تے علم نال پرہیزگاری تے پرہیزگاری نال صبر تے صبر نال دینداری،

مُکاشفہ 13:10

”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔