رومیوں 12:1 - کِتاب مُقدّس سرائیکی ترجمہ

¹ بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

رومیوں 12:1 Iomraidhean Croise

لُوقا 7:47

اِیں واسطے مَیں تیکُوں آدھا ہاں جو اِیندے گُناہ جیہڑے بہُوں ہَن، معاف تھئے تے اِیں واسطے اِیں بہُوں محبت کیتی، پر جیندے تھوڑے گُناہ معاف تھئے او تھوڑی محبت کریندے۔“

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

رومیوں 15:30

بِھراؤ! مَیں تُہاکُوں ساڈے خُداوند یسُوع المسیح دا واسطہ ڈے تے، تے رُوح القُدس دی محبت یاد ڈیوا تے مِنت کریندا ہاں جو میڈے نال رَل تے خُدا کنُوں میڈے کیتے دُعا ءچ لگے راہو،

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

رومیوں 9:23

تاں جو آپنڑے جلال دی دولت اُنہاں دے ذریعے ظاہر کرے جِنہاں اُتے رحم تھیسی، جیہڑے جلال کیتے پہلے کنُوں تیار کیتے ہَن۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

2کُرِنتھِیوں 4:1

بس کیوں جو ساکُوں خُدا دی رحمت نال ایہ خدمت مِلی ہے، اِیں واسطے اساں ہِمت نئیں چھوڑیندے۔

2کُرِنتھِیوں 4:16

اِیں واسطے اساں حوصلہ نئیں چھوڑیندے۔ بےشک اساں ظاہری طور تے ختم تھیندے ویندے ہیں، وَل وی اندر ای اندر ہر روز نویں بنڑدے ویندے ہیں۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 5:10

تے تجربے نال معلوم کریندے راہو جو خُداوند کُوں کیا پسند ہے۔

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

1تھِسّلُنیکیوں 4:10

تے تُساں مَکِدُنیہ دے سبھ بِھرانواں نال محبت کریندے ہیوے۔ وَل وی بِھراؤ! اساں تُہاکُوں نصیحت کریندے ہیں جو اِیندے ءچ بِیا وی ترقی کریندے راہو۔

1تھِسّلُنیکیوں 5:12

پیارے بِھراؤ! اساں تُہاکُوں درخاست کریندے ہیں جو جیہڑے تُہاڈے ءچ محنت کریندے ہِن تے خُداوند ءچ تُہاڈے راہنما ہِن تے تُہاکُوں نصیحت کریندے ہِن، اُنہاں دی قدر کرو۔

1 تِیمُتھِیُس 2:3

ایجھی دُعا کرݨ چنگی گالھ ہے تے ساڈے نجات ڈیوݨ آلے خُدا کُوں پسند ہے۔

1 تِیمُتھِیُس 5:4

جے کہیں بیوہ دے پوتر یا پوترے ہووݨ تاں او پہلے آپنڑے خاندان کُوں سنبھال تے ماء پِیُو دا حق ادا کرݨ سِکھنڑ، کیوں جو ایہ خُدا کُوں پسند ہے۔

فِلیمون 1:10

آپنڑے پوتر اُنیسمُس دے بارے ءچ تیکُوں مِنت کریندا ہاں، جِیندا مَیں قید ءچ رُوحانی لحاظ نال پِیُو بنڑیا۔

فِلیمون 1:9

وَل وی میکُوں ایہ زیادہ پسند ہے جو مَیں تیکُوں محبت دی وجہ تُوں درخاست کراں۔ مَیں پولُس، جیہڑا بُڈھا تے اِیں ویلے مسیح یسُوع دی خاطر قیدی ہاں،

عبرانیوں 13:22

بِھراؤ، مَیں مِنت کریندا ہاں جو میڈے نصیحت دے گالھیں صبر نال سُنڑو، جِنہاں کُوں مَیں مختصر لِکھے۔

1 پطرس 2:20

جے تُساں گُناہ کر تے چاٹاں کھاندے تے صبر کریندے ہیوے تاں ایہ کیہڑی فخر دی گالھ ہے؟ پر جے نیکی کرݨ دے باعث ڈُکھ چیندے تے صبر نال کم گِھندے ہیوے تاں ایہ گالھ خُدا دے نزدیک قابلِ تعریف ہے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔