رومیوں 11:6 - کِتاب مُقدّس سرائیکی ترجمہ

⁶ تے جے فضل کنُوں چُنڑے گئے ہِن تاں وَل اعمال کنُوں نئیں، نہ تاں فضل، فضل نہ راہندا۔

رومیوں 11:6 Iomraidhean Croise

لُوقا 6:13

جِیں ویلے سویل تھئی تاں اُوں آپنڑے شاگرداں کُوں سڈیا تے اُنہاں ءچوں بارہاں کُوں چُنڑ تے اُنہاں کُوں رسُول مقرر کیتا،

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

گلتِیوں 5:4

تُساں جیہڑے شریعت دے وسیلے نال راستباز بنڑݨ چاہندے ہیوے، مسیح کنُوں اَنج تھی گئے ہیوے تے فضل تُوں محروم تھی گئے ہیوے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

طِطُس 3:5

تاں خُدا ساکُوں نجات ڈِتی پر ساڈے نیک کماں دی وجہ کنُوں نئیں جیہڑے اساں کیتے بلکہ آپنڑے رحم دی وجہ کنُوں۔ ایہ نجات ساکُوں رُوح القُدس دے وسیلے مِلی جئیں ساکُوں دھو تے نویں سرے تُوں پیدا کیتا تے نوِیں زندگی ڈِتی۔