رومیوں 10:18 - کِتاب مُقدّس سرائیکی ترجمہ

¹⁸ پر مَیں پُچھدا ہاں، کیا اُنہاں نئیں سُنڑیا؟ بے شک سُنڑیا، جِینویں لِکھیا ہے جو ”اُنہاں دی اواز پُوری زمین تئیں تے اُنہاں دا پیغام دُنیا دی اِنتہا تئیں پُج گِیا۔“

رومیوں 10:18 Iomraidhean Croise

متّی 24:14

تے بادشاہی دی اِیں خوشخبری دی تبلیغ ساری دُنیا ءچ کیتی ویسی تاں جو سبھ قوماں کیتے گواہی ہووے، وَل خاتمہ تھیسی۔

متّی 26:13

مَیں تُہاکُوں سچ آدھا ہاں جو ساری دُنیا ءچ جِتھاں وی خوشخبری دی تبلیغ کیتی ویسی اُتھاں اِیندی یادگاری ءچ اُوندے اِیں کم دا ذِکر وی کیتا ویسی۔“

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

متّی 4:8

وَل ابلیس اُونکُوں ہِک بہُوں اُچے پہاڑ اُتے گِھن گِیا تے دُنیا دیاں ساریاں بادشاہیاں تے اُنہاں دی شان و شوکت اُونکُوں ڈِکھائی۔

مرقس 16:15

اُوں اُنہاں کُوں آکھیا جو ”تُساں ساری دُنیا ءچ وَنج تے سارے لوکاں دے سامنڑے خوشخبری دی تبلیغ کرو۔

مرقس 16:20

وَل شاگرداں نِکل تے جاہ جاہ تبلیغ کیتی، تے خُداوند اُنہاں دے نال کم کریندا ریہا، تے اُنہاں معجزیاں دے وسیلے نال جیہڑے نال نال تھیندے ہَن کلام کُوں ثابت کریندا ریہا۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 26:20

بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

رومیوں 1:8

پہلے تاں مَیں تُساں ساریاں کیتے یسُوع مسیح دے وسیلے نال آپنڑے خُدا دا شُکر کریندا ہاں جو تُہاڈے اِیمان دی مشہوری ساری دُنیا ءچ تھیندی پئی ہے۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

1تھِسّلُنیکیوں 1:8

خُداوند دا پیغام تُہاڈے وسیلے نہ صرف مَکِدُنیہ تے اَخیہ ءچ پھیل گِیا، بلکہ تُہاڈا اِیمان جیہڑا خُدا اُتے ہے، اُوندی خبر ہر جاہ ایجھی پھیل گئی ہے جو ہُنڑ ساڈے آکھنڑ دی کوئی ضرورت کائنی۔