رومیوں 1:30 - کِتاب مُقدّس سرائیکی ترجمہ

³⁰ کُوڑے اِلزام لاوݨ آلے، خُدا تُوں نفرت کرݨ آلے، گُستاخ، مغرُور تے شیخی باز، بدی دے بانی، آپنڑے ماء پِیُو دے نافرمان،

رومیوں 1:30 Iomraidhean Croise

متّی 15:4

کیوں جو خُدا فرمائے، ’آپنڑے ماء پِیُو دی عزت کریں تے جیہڑا کوئی ماء پِیُو کُوں بُرا آکھے او ضرور جان تُوں مار ڈِتا ونجے۔‘

متّی 16:21

اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

لُوقا 21:16

تُہاکُوں ماء پِیُو تے بِھرا تے رشتہ دار تے دوست وی پکڑویسن بلکہ تُہاڈے ءچوں کُجھ کُوں مروا ڈیسن،

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

اعمال 5:36

کیوں جو کُجھ عرصہ پہلے تھیُوداس اُٹھیا ہا تے دعویٰ کیتا ہا جو مَیں وی کوئی چیز ہاں تے تقریباً چار سو بندے اُوندے نال رَل گئے ہَن۔ پر او ماریا گِیا تے جِتّی اُوندے مننڑ آلے ہَن، سارے تِتربِتر تھی گئے تے اُوندا دعویٰ ختم تھی گِیا۔

رومیوں 2:17

پر جے تُوں یہُودی اکھویندیں تے شریعت اُتے بھروسہ کریندیں تے خُدا اُتے فخر کریندیں،

رومیوں 2:23

تُوں جیہڑا شریعت اُتے فخر کریندیں، تُوں خود کیوں شریعت دی نافرمانی کر تے خُدا دی بے عزتی کریندیں؟

رومیوں 3:27

بس فخر کِتھاں ریہا؟ اِیندی گُنجائش ای نہ ریہی۔ کیہڑی شریعت دی وجہ تُوں؟ کیا اعمال دے وسیلے نال؟ نئیں، بلکہ اِیمان دی شریعت دے وسیلے نال۔

2کُرِنتھِیوں 10:15

تے اساں آپنڑی حد تُوں باہر وَنج تے بئے دی محنت اُتے فخر نئیں کریندے بلکہ اُمید رکھیندے ہیں جو تُہاڈے اِیمان ءچ ترقی پارُوں تے اِینویں تُہاڈے ذریعے ساڈی خدمت دی حد وی مزید ودھے،

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

2 تِیمُتھِیُس 3:2

لوک خود غرض، پیسیاں دے لالچی، شیخی مارݨ آلے، تکبر کرݨ آلے، چُغلی کرݨ آلے، ماء پِیُو دے نا فرمان، نا شُکرے، ناپاک،

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

یعقُوب 3:5

اِینویں ای زبان وی جِسم دا ہِک چھوٹا جِیہا اَنگ ہے پر وڈی شیخی مریندی ہے۔ ڈیکھو! ہِک چھوٹی جیہی چنگاری نال کتنے وڈے جنگل ءچ بھاہ لگ ویندی ہے۔

یعقُوب 4:16

پر تُساں شیخی مریندے تے اُوندے اُتے فخر کریندے ہیوے۔ اِیں طرحاں دا سارا فخر بُرا ہے۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔