رومیوں 1:3 - کِتاب مُقدّس سرائیکی ترجمہ

³ آپنڑے پوتر دے بارے ءچ کیتا، جیہڑا جِسمانی لحاظ نال تاں داؤد دی نسل ءچوں ہا،

رومیوں 1:3 Iomraidhean Croise

متّی 1:1

یسُوع مسیح اِبنِ داؤد اِبنِ ابرہام دا شجرہ۔

متّی 1:16

تے یعقُوب تُوں یُوسف جمیا۔ ایہ اُوں مریم دا پایا ہا جِیں تُوں یسُوع جمیا جیہڑا المسیح اکھویندا ہے۔

متّی 1:6

تے یسّی تُوں داؤد بادشاہ جمیا۔ تے داؤد تُوں سُلیمان اُوں عورت تُوں جمیا جیہڑی پہلے اُوریاہ دی ذال ہئی۔

متّی 12:23

سارے لوک حیران تھی تے آکھنڑ لگے، ”کیا ایہ اِبنِ داؤد ہے؟“

متّی 15:22

تے ہِک کنعانی تریمت اُنہاں سرحداں ءچوں نِکلی تے اُچی اواز ءچ آکھنڑ لگی، ”مالک، اِبنِ ِ داؤد! میڈے اُتے رحم کرو۔ میڈی دِھی ءچ ہِک بدرُوح ہے جیہڑی اُونکُوں بہُوں ستیندی ہے۔“

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

متّی 27:43

اِیندا بھروسا خُدا اُتے ہے۔ جے او اِینکُوں چاہندے تاں ہُنڑ وی اِینکُوں بچا گِھنے، کیوں جو اِیں آکھیا ہا جو مَیں خُدا دا پوتر ہاں۔“

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

متّی 9:27

جیہڑے ویلے یسُوع اُتھوں کنُوں اگُوں روانہ تھیّا تاں ڈُو اندھے اُوندے پِچُھوں دھاڑ دھاڑ کریندے ہوئے آکھنڑ لگے، ”اِبنِ ِ داؤد! ساڈے اُتے رحم کرو۔“

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

لُوقا 1:69

تے آپنڑے خادم داؤد دی اولاد ءچوں ساڈے کیتے ہِک نجات ڈیوݨ آلا بھیجیا،

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:34

بس مَیں ڈِٹھے تے گواہی ڈِتی ہے جو ایہ خُدا دا پوتر ہے۔“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 10:30

مَیں تے میڈا باپ ہِکو ہاں۔“

یُوحنّا 10:36

تاں تُساں میڈے بارے ءچ جِینکُوں باپ مقرر کر تے دُنیا ءچ بھیجیا، کِینویں اکھیندے ہیوے جو تُوں کُفر بکدا ہیں، اِیں واسطے جو مَیں آکھیا، مَیں خُدا دا پوتر ہاں؟

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

یُوحنّا 7:42

کیا خُدا دے کلام ءچ ایہ نئیں لِکھیا جو المسیح داؤد دی نسل تے بیت لحم دی وستی ءچوں آسی، جیہڑا داؤد دا شہر ہا؟“

اعمال 2:30

پر او نبی ہا تے ایہ جانڑدا ہا جو خُدا میڈے نال قَسم کھادی ہے جو مَیں تیڈی نسل ءچوں ہِک بندے کُوں تیڈے تخت اُتے بِلھیساں۔

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

رومیوں 4:1

اساں ابرہام دے بارے ءچ جیہڑا جِسمانی لحاظ نال ساڈا پِیُو ہے، کیا آکھوں؟ اِیندے بارے ءچ اُونکُوں کیا پتہ لگیا؟

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

رومیوں 9:5

قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

1کُرِنتھِیوں 10:18

بنی اِسرائیل اُتے غور کرو۔ کیا قُربانی دا گوشت کھاوݨ آلے قُربان گاہ دی عبادت ءچ شریک نئیں؟

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

1 تِیمُتھِیُس 2:5

کیوں جو خُدا ہِک ہے تے خُدا تے اِنساناں دے وچال درمیانی وی ہِکو ای ہے یعنی مسیح یسُوع جیہڑا اِنسان ہے

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

2 تِیمُتھِیُس 2:8

یسُوع مسیح کُوں یاد رکھ جیہڑا داؤد دی نسل ءچوں ہے تے مُردیاں ءچوں زندہ تھی گئے۔ ایہ اُوہو خوشخبری ہے جیہڑی مَیں سُنڑیندا ہاں۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

1 یُوحنّا 3:23

تے اُوندا حُکم ایہ ہے جو اساں اُوندے پوتر یسُوع مسیح دے ناں اُتے اِیمان رکھوں تے اُوندے حُکم دے مطابق ہِک ڈُوجھے نال محبت رکھوں۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

1 یُوحنّا 5:5

دُنیا اُتے کوݨ غالب آندے؟ صرف اُوہو جِیندا اِیمان ہے جو یسُوع خُدا دا پوتر ہے۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

مُکاشفہ 2:18

تھواتِیرہ دی کلیسیا دے فرشتہ کُوں لِکھ جو خُدا دا پوتر جیندے اکھیں بھاہ دے شعلہ وانگُوں تے جیندے پیر خالص پِتّل وانگُوں ہِن، ایہ فرمیندے جو