رومیوں 1:20 - کِتاب مُقدّس سرائیکی ترجمہ

²⁰ کیوں جو دُنیا دی پیدائش کنُوں گِھن تے اَج تئیں خُدا دیاں اَن ڈِٹھیاں صفتاں یعنی اُوندی ابدی قُدرت تے الٰہی ذات، بنڑائیاں ہوئیاں چیزاں کنُوں صاف ڈِکھالی ڈیندیاں ہِن۔ اِیں واسطے اِنسان دے کولھ کوئی بہانہ نئیں۔

رومیوں 1:20 Iomraidhean Croise

متّی 5:45

تاں تُساں آپنڑے اسمانی باپ دے فرزند بنڑ سو۔ کیوں جو او آپنڑے سِجھ کُوں نیکاں تے بداں ڈوہائیں اُتے چمکیندے تے نیکاں تے گُنہگاراں ڈوہائیں اُتے مینہ وسیندے۔

مرقس 10:6

پر خلقت دے شروع کنُوں خُدا اُنہاں کُوں مرد تے عورت بنڑایا۔

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 15:22

جے مَیں آ تے اُنہاں نال کلام نہ کریندا تاں او گُنہگار نہ تھیندے پر ہُنڑ اُنہاں دے گُناہ دا اُنہاں کولھ کوئی عُذر نئیں۔

اعمال 17:29

جے اساں خُدا دی اولاد ہیں تاں ساکُوں ایہ نئیں سوچنڑاں چاہیدا جو خُدا تعالیٰ دی ذات سونے، چاندی یا پتھر دی مُورت ہے جیہڑی کہیں اِنسان دی ماہرانہ کاریگری ہووے۔

اعمال 22:1

”بِھراؤ تے بزُرگو، ہُنڑ میڈے گالھیں سُنڑو جیہڑیاں مَیں آپنڑے دفاع ءچ اکھیندا ہاں۔“

رومیوں 1:19

کیوں جو خُدا دے بارے ءچ جیہڑا کُجھ وی معلوم تھی سگدے او اُنہاں کیتے ظاہر ہے، اِیں واسطے جو خُدا آپ اُونکُوں اُنہاں اُتے ظاہر کر ڈِتے۔

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

رومیوں 2:1

اِیں واسطے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

رومیوں 2:15

او ایہ ظاہر کریندے ہِن جو شریعت دے حُکم اُنہاں دے دِلاں اُتے لِکھے ہوئے ہِن تے اُنہاں دا ضمیر وی اِیں گالھ دی گواہی ڈیندا ہے، کیوں جو اُنہاں دے خیال کہیں ویلے اُنہاں اُتے اِلزام لیندن تے کہیں ویلے اُنہاں کُوں بےقصُور آدھن۔

1کُرِنتھِیوں 1:20

کِتھاں ہے دانش مند؟ کِتھاں ہے شریعت دا عالم؟ کِتھاں ہے اِیں جہان دا بحث کرݨ آلا؟ کیا خُدا دُنیا دی حِکمت کُوں بیوقُوفی نئیں کھڑایا؟

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

کلُسِّیوں 2:9

کیوں جو مسیح ءچ خُدا دی ساری معمُوری ہِک جسمانی بدن ءچ راہندی ہے۔

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

عبرانیوں 11:27

اِیمان دی وجہ کنُوں ای اُوں بادشاہ دی کاوڑ کنُوں خوف نہ کھادا تے مِصر چھوڑ ڈِتا۔ او اِینویں ثابت قدم ریہا جِینویں اَن ڈِٹھے خُدا کُوں ڈِٹھا ہووے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔