رومیوں 1:17 - کِتاب مُقدّس سرائیکی ترجمہ

¹⁷ کیوں جو خوشخبری خُدا دی راستبازی کُوں ظاہر کریندی ہے، او راستبازی جیہڑی اِیمان ای دے ذریعے حاصل تھیندی ہے، جِینویں پاک کلام ءچ لِکھیا ہے جو ”راستباز اِیمان نال زندہ راہسی۔“

رومیوں 1:17 Iomraidhean Croise

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

رومیوں 3:21

پر ہُنڑ خُدا شریعت دے بغیر راستباز کھڑاوݨ دی ہِک راہ ظاہر کیتی ہے جیندی گواہی توریت تے نبیاں تُوں تھیندی ہے۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

رومیوں 3:3

جے کُجھ بے وفا تھی گئے تاں کیا تھیّا؟ کیا اُنہاں دی بے وفائی دے سببّوں خُدا وفا داری کرݨ چھوڑ ڈیسی؟

رومیوں 9:30

بس اساں کیا آکھوں؟ ایہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی او راستبازی جیہڑی اِیمان نال ہے۔

2کُرِنتھِیوں 3:9

جِیں ویلے قصُوروار کھڑاوݨ آلا نِظام جلالی ہا، تاں راستباز کھڑاوݨ آلا نِظام کِتنا زیادہ جلالی ہوسی۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

گلتِیوں 3:11

ہُنڑ ایہ صاف ظاہر ہے جو شریعت دے وسیلے نال کوئی بندہ خُدا دی نِگاہ ءچ راستباز نئیں کھڑدا کیوں جو لِکھیا ہے جو ”راستباز اِیمان نال ای زندہ راہسی۔“

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

عبرانیوں 10:38

میڈا راستباز بندہ اِیمان نال زندہ راہسی، جے او پِچھاں ہٹ ونجے تاں میڈا دل اُوں کنُوں خوش نہ تھیسی۔“