رومیوں 1:16 - کِتاب مُقدّس سرائیکی ترجمہ

¹⁶ مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

رومیوں 1:16 Iomraidhean Croise

مرقس 8:38

کیوں جو جیہڑا کوئی اِیں زِنا کار تے گُنہگار قوم ءچ مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے باپ دے جلال ءچ پاک فرشتیاں نال آساں تاں اُوندے کنُوں شرمیساں۔“

لُوقا 9:26

کیوں جو جیہڑا کوئی مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے تے آپنڑے باپ دے تے پاک فرشتیاں دے جلال ءچ آساں تاں اُوں کنُوں شرمیساں۔

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

رومیوں 10:17

بس اِیمان پیغام سُنڑݨ تُوں پیدا تھیندے یعنی مسیح دا کلام سُنڑݨ تُوں۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

رومیوں 15:29

مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

رومیوں 2:9

ہر اِنسان اُتے جیہڑا بُرائی کریندے، مُصیبت تے پریشانی آسی، پہلے یہُودی اُتے ولا غیریہُودی اُتے۔

رومیوں 4:11

تے اُونکُوں ختنہ دا نشان اُوں راستبازی اُتے مُہر دے طور تے مِلیا، جیہڑی اُونکُوں ختنہ کرواوݨ تُوں پہلے اِیمان رکھنڑ دے سببّوں مِلی۔ اِینویں او اُنہاں ساریاں دا پِیُو ہے جیہڑے اِیمان گِھن آندے ہِن تے بھانویں اُنہاں دا ختنہ نئیں تھیّا، راستبازاں ءچ شمار کیتے ویندے ہِن۔

1کُرِنتھِیوں 15:2

اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

1کُرِنتھِیوں 2:4

مَیں پیغام تے تبلیغ کریندے ویلے حِکمت تے قائل کرݨ آلے الفاظ اِستعمال کرݨ دی بجائے صرف رُوح القُدس دی قوت اُتے بھروسا کیتا،

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 9:18

بس میڈا اجر کیا ہے؟ صرف ایہ جو خوشخبری کُوں مُفت کر ڈیواں تے اُوں حق دا فائدہ نہ چاواں جیہڑا تبلیغ دی وجہ کنُوں میکُوں مِلدا ہے۔

2کُرِنتھِیوں 2:12

جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

2کُرِنتھِیوں 9:13

تُہاڈی اِیں خدمت دا ثبوت ڈیکھ تے او خُدا دی تعریف کریسن جو تُساں مسیح دی خوشخبری دا اِقرار کر تے اُوندے اُتے عمل وی کریندے ہیوے تے اُنہاں دی، تے سبھ لوکاں دی مدد کرݨ ءچ بہُوں فیاضی کریندے ہیوے۔

گلتِیوں 1:7

کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

1 تِیمُتھِیُس 1:11

ایہ تعلیم مُبارک خُدا دے جلال آلی اُوں خوشخبری دے مطابق ہے جیہڑی میڈے سپُرد کیتی گئی ہے۔

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

1 پطرس 4:16

پر جے کوئی مسیح دا بندہ ہووݨ دے سببّوں ڈُکھ چاوے تاں شرماوے نہ بلکہ خُدا دی تعریف کرے جو او اِیں ناں تُوں سڈیا ویندے۔