رومیوں 1:1 - کِتاب مُقدّس سرائیکی ترجمہ

¹ ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

رومیوں 1:1 Iomraidhean Croise

مرقس 1:14

وَل یُوحنّا دے پکڑوائے ونجنڑ دے بعد یسُوع گلیل ءچ آیا تے خُدا دی بادشاہی دی خوشخبری دی تبلیغ کیتی۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

یُوحنّا 15:15

ہُنڑ کنُوں مَیں تُہاکُوں نوکر نہ اکھیساں کیوں جو نوکر نئیں جانڑدا جو اُوندا مالک کیا کریندے بلکہ مَیں تُہاکُوں دوست آکھیا ہے کیوں جو سبھ کُجھ جیہڑا مَیں آپنڑے باپ کنُوں سُنڑیا ہے تُہاکُوں ڈسا ڈِتے۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

اعمال 13:9

پر ساؤل جِیندا ناں پولُس وی ہے، رُوح القُدس نال بھریج تے اُوندے اُتے غور نال نِگاہ کیتی

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

اعمال 21:40

جِیں ویلے سپہ سالار تُوں اِجازت گِھن گِھدی تاں اُوں پوڑیاں اُتے کھڑا تھی تے لوکاں کُوں ہتھ دا اِشارہ کیتا۔ جِیں ویلے او چُپ تھی گئے تاں اُنہاں کُوں عبرانی زبان ءچ اِینویں آکھنڑ لگا:

اعمال 22:21

خُداوند میکُوں آکھیا، ’وَنج مَیں تیکُوں غیر قوماں دے کولھ بہُوں دُور بھجیساں‘۔“

اعمال 22:7

مَیں زمین اُتے ڈھے پِیا تے ہِک اواز سُنڑی جیہڑی میکُوں آدھی پئی ہئی، ’ساؤل! ساؤل! تُوں میکُوں کیوں سَتیندیں؟‘

اعمال 26:1

اِیں گالھوں اگرِپّا بادشاہ پولُس کُوں آکھیا، ”تیکُوں آپنڑے حق ءچ بولنڑ دی اِجازت ہے۔“ اِیں واسطے پولُس ہتھ چا تے آپنڑی صفائی پیش کرݨ لگا جو

اعمال 26:14

اساں سارے زمین اُتے ڈھے پئے تے مَیں ہِک اواز سُنڑی جیہڑی میکُوں عبرانی زبان ءچ آدھی پئی ہئی جو ’ساؤل! ساؤل! تُوں میکُوں کیوں سَتیندیں؟ میڈے خلاف لڑن بیوقُوفی ہے۔‘

اعمال 27:23

کیوں جو خُدا جِیندا مَیں بندہ ہاں تے جیندی مَیں عبادت وی کریندا ہاں، اُوندا فرشتہ اِیں رات میڈے کولھ آیا،

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

رومیوں 11:13

ہُنڑ مَیں تُساں غیریہُودیاں کُوں آدھا ہاں۔ مَیں غیریہُودیاں کیتے رسُول مقرر تھیّا ہاں اِیں واسطے آپنڑی خدمت دی تعریف کریندا ہاں،

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

رومیوں 15:29

مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

1کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہووݨ کیتے سڈیا گِیا، تے ساڈے بِھرا سوستھِنیس دی طرفوں،

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

2کُرِنتھِیوں 11:5

مَیں نئیں سمجھدا جو مَیں اُنہاں ”افضل رسُولاں“ کنُوں کمتر ہاں۔

2کُرِنتھِیوں 11:7

کیا ایہ میڈا جُرم ہا جو مَیں خُدا دی خوشخبری تُہاکُوں مُفت سُنڑا تے آپنڑے آپ کُوں پست کیتا تاں جو تُساں اُچے تھی ونجو؟

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

2کُرِنتھِیوں 2:12

جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

گلتِیوں 1:1

ایہ خط میں پولُس رسُول دی طرفوں ہے۔ مَیں نہ تاں اِنساناں دی طرفوں، نہ کہیں بندے دے وسیلے رسُول مقرر کیتا گِیا بلکہ یسُوع المسیح تے خُدا باپ دے وسیلے جئیں یسُوع مسیح کُوں مُردیاں ءچوں زندہ کیتا۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

اِفِسیوں 1:13

تے جِیں ویلے تُساں وی سچائی دے کلام کُوں یعنی آپنڑی نجات دی خوشخبری کُوں سُنڑیا تے مسیح اُتے اِیمان گِھن آئے تاں خُدا تُہاڈے اُتے وی وعدہ کیتے ہوئے رُوح القُدس دی مُہر لائی۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

فِلِپّیوں 2:11

تے ہر زبان خُدا باپ دے جلال کیتے اِقرار کرے جو یسُوع مسیح ای خُداوند ہے۔

کلُسِّیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں تے بِھرا تِیمُتِھیُس دی طرفوں وی۔

کلُسِّیوں 1:25

خُدا میکُوں کلیسیا دا خادم بنڑا تے ایہ ذمہ داری تُہاڈی خاطر ڈِتی جو مَیں اُوندے کلام دی تبلیغ پُوری طرحاں کراں۔

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

1تھِسّلُنیکیوں 2:8

تُہاڈے کیتے ساڈی محبت اِتنی ہئی جو اساں نہ صرف خُدا دی خوشخبری سُنڑاونڑ بلکہ تُہاکُوں آپنڑی جان ڈے ڈیوݨ تئیں راضی ہسے کیوں جو تُساں ساکُوں بہُوں عزیز ہَوے۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

1 تِیمُتھِیُس 1:1

ایہ خط میں پولُس دی طرفوں ہے جیہڑا ساڈے نجات ڈیوݨ آلے خُدا تے ساڈی اُمید یعنی یسُوع مسیح دے حُکم نال اُوندا رسُول مقرر کیتا گِیا ہاں،

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

2 تِیمُتھِیُس 1:11

خُدا میکُوں اِیں خوشخبری دی تبلیغ کرݨ آلا، رسُول تے اُستاد مقرر کیتا۔

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

عبرانیوں 5:4

کہیں بندے کُوں کاہِنِ اعظم دا باعزت عُہدہ آپنڑی مرضی نال نئیں مِلدا بلکہ ہارُون آلی کار خُدا دی طرفوں سڈے ونجنڑ نال مِلدے۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔

1 پطرس 4:17

کیوں جو عدالت دا ویلا آ گئے تے عدالت خُدا دے گھر آلیاں تُوں شروع تھیسی تے جڈاں عدالت ساڈے تُوں شروع تھیسی تاں اُنہاں دا انجام کیا ہوسی جیہڑے خُدا دی خوشخبری کُوں نئیں منیندے۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

مُکاشفہ 1:1

ایہ یسُوع مسیح دا مُکاشفہ ہے جیہڑا اُونکُوں خُدا اِیں واسطے ڈِتا جو او آپنڑے بندیاں کُوں او گالھیں ڈِکھاوے جِنہاں دا جلدی تھیوݨ ضرور ہے۔ اُوں آپنڑے فرشتہ کُوں بھیج تے ایہ گالھیں آپنڑے بندہ یُوحنّا اُتے ظاہر کیتیاں،

مُکاشفہ 22:6

اُوں فرشتے میکُوں آکھیا، ”ایہ گالھیں اعتماد دے قابل تے سچے ہِن۔ خُداوند جیہڑا نبیاں دیاں رُوحاں دا خُدا ہے، آپنڑا فرشتہ اِیں غرض نال بھیجیا ہے جو او آپنڑے بندیاں اُتے او گالھیں ظاہر کرے جِنہاں دا جلدی واقع تھیوݨ ضرور ہے۔“

مُکاشفہ 22:9

پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال، تیڈے بِھرانواں نال جیہڑے نبی ہِن تے اُنہاں ساریاں نال جیہڑے اِیں کتاب دی نبُوّت دے گالھیں منیندے ہِن، خدمت کرݨ آلا ہاں۔ خُدا کُوں ای سجدہ کر۔“