مُکاشفہ 9:11 - کِتاب مُقدّس سرائیکی ترجمہ

¹¹ کھڈے دا فرشتہ اُنہاں دا بادشاہ ہا۔ اُوندا ناں عبرانی ءچ ”ابدّون“ تے یُونانی ءچ ”اپُلّیون“ یعنی ہلاک کرݨ آلا ہے۔

مُکاشفہ 9:11 Iomraidhean Croise

لُوقا 8:31

او اُوندی مِنت کرݨ لگیاں جو ”ساکُوں سزا دے کھڈے ءچ ونجنڑ دا حُکم نہ ڈے۔“

یُوحنّا 12:31

ہُنڑ دُنیا دی عدالت کیتی ویندی ہے۔ ہُنڑ دُنیا دا سردار باہر کڈھ ڈِتا ویسی

یُوحنّا 14:30

اِیندے بعد مَیں تُہاڈے نال زیادہ گالھیں نہ کریساں کیوں جو اِیں دُنیا دا سردار آندا ہے۔ اُونکُوں میڈے اُتے کوئی اِختیار نئیں،

یُوحنّا 16:11

تے عدالت دے بارے ءچ اِیں واسطے جو دُنیا دے سردار اُتے سزا دا حُکم کیتا گئے۔

یُوحنّا 5:2

یروشلیم ءچ بھیڈ آلے پھاٹک دے نیڑے ہِک حوض ہے جیہڑا عبرانی ءچ بیت حسدا اکھویندے تے اُوندے پنج برانڈے ہِن۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

اِفِسیوں 2:2

تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

1 یُوحنّا 5:19

اساں جانڑدے ہیں جو اساں خُدا دے فرزند ہیں، تے ایہ وی جو ساری دُنیا ابلیس دے قبضہ ءچ ہے۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 16:16

وَل بدرُوحاں اُنہاں سارے بادشاہاں کُوں اُوں جاہ جمع کیتا جِیندا ناں عبرانی ءچ ”ہرمجدون“ ہے۔