مُکاشفہ 8:3 - کِتاب مُقدّس سرائیکی ترجمہ

³ ہِک بِیا فرشتہ خوشبودار مصالحہ ساڑن کیتے سونے دا ہِک تھاں گِھن آیا تے قُربان گاہ دے کولھ وَنج کھڑا تھیّا۔ اُونکُوں بہُوں سارا خوشبودار مصالحہ ڈِتا گِیا تاں جو او اُونکُوں سارے مُقدّساں دیاں دُعاواں نال تخت دے سامنڑے دی سنہری قُربان گاہ اُتے پیش کرے۔

مُکاشفہ 8:3 Iomraidhean Croise

لُوقا 1:10

لوکاں دی ساری بِھیڑ خوشبودار مصالحہ ساڑݨ ویلے باہر دُعا کریندی پئی ہئی۔

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

عبرانیوں 9:4

اُوندے ءچ خوشبودار مصالحہ ساڑن آلی سونے دی قُربان گاہ تے عہد دا صندوق ہا جیہڑا سونے نال مڑھیا ہویا ہا۔ اُوں صندوق ءچ مَن نال بھریا ہویا سونے دا برتن، ہارُون دی سوٹی جیندے ءچوں پُھلاں دیاں ڈوڈیاں نِکلیاں پئیاں ہَن، تے پتھر دیاں او تختیاں ہَن جِنہاں اُتے عہد دے حُکم کندہ کیتے گئے ہَن۔

مُکاشفہ 10:1

وَل مَیں ہِک بئے زور آور فرشتے کُوں ڈِٹھا جیہڑا اسمان کنُوں لہندا پِیا ہا۔ او بدّل کُوں ولھیٹی پِیا ہا تے اُوندے سر اُتے کمان ہئی۔ اُوندا چہرہ سِجھ وانگُوں ہا تے جنگھاں بھاہ دے تھمبیاں وانگُوں ہَن۔

مُکاشفہ 14:18

وَل ہِک بِیا فرشتہ جِیندا بھاہ اُتے اِختیار ہا، قُربان گاہ کنُوں آیا تے تیز ڈاتری آلے فرشتہ کُوں اُچی اواز ءچ آکھیا جو ”آپنڑی ڈاتری چلا تے زمین دی ویل کنُوں انگُور دے گُچھے کپ گِھن کیوں جو اُوندے انگُور پک گئے ہِن۔“

مُکاشفہ 5:8

تے جِیں ویلے اُوں او طُومار گِھن گِھدا تاں او چارے جاندار تے او چوِّیہہ بزُرگ، لیلے دے سامنڑے سجدہ ءچ ڈھے پئے۔ اُنہاں ءچوں ہر ہِک دے کولھ ستار تے خوشبودار مصالحے نال بھرے سونے دے مُنگر ہَن۔ ایہ مُقدّساں دیاں دُعاواں ہِن۔

مُکاشفہ 6:9

جِیں ویلے اُوں پنجویں مُہر کھولی تاں مَیں قُربان گاہ دے تلے اُنہاں لوکاں دیاں رُوحاں ڈِٹھیاں جیہڑے خُدا دے کلام دی خاطر تے آپنڑے اِیمان دی شہادت اُتے قائم راہوݨ دے سببّوں شہید کیتے گئے ہَن۔

مُکاشفہ 7:2

وَل مَیں ہِک بئے فرشتے کُوں مشرق کنُوں اُتے چڑھدے ڈِٹھا جیندے کولھ زندہ خُدا دی مُہر ہئی۔ اُوں اُنہاں چارے فرشتیاں کُوں جِنہاں کُوں زمین تے سمندر کُوں نُقصان پُچاوݨ دا اِختیار ڈِتا گِیا ہا، اُچی اواز ءچ آکھیا،

مُکاشفہ 8:4

اُوں خوشبودار مصالحے دا دُھوواں مُقدّساں دیاں دُعاواں دے نال فرشتہ دے ہتھ کنُوں اُتے اُٹھیا تے خُدا دے حضُور وَنج پُجیا۔

مُکاشفہ 8:5

وَل فرشتے قُربان گاہ کنُوں بھاہ گِھن تے خوشبودار مصالحہ ساڑن دے تھاں ءچ بھری تے اُونکُوں زمین اُتے سَٹ ڈِتا تے گجکار دیاں اوازاں تے بجلیاں چمکیاں تے زلزلہ آیا۔

مُکاشفہ 9:13

جِیں ویلے چِھینویں فرشتے آپنڑا نرسِنگا وجایا تاں مَیں خُدا دے سامنڑے آلی سنہری قُربان گاہ دے چارے سینگاں کنُوں ہِک اواز آندی سُنڑی۔