مُکاشفہ 8:2 - کِتاب مُقدّس سرائیکی ترجمہ

² وَل مَیں اُنہاں ستّاں فرشتیاں کُوں ڈِٹھا جیہڑے خُدا دے سامنڑے کھڑے راہندے ہَن۔ اُنہاں کُوں سَت نرسِنگے ڈِتے گئے۔

مُکاشفہ 8:2 Iomraidhean Croise

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 24:31

وَل او آپنڑے فرشتیاں کُوں نرسِنگے دی اُچی اواز نال بھجیسی، تے او اُوندے چُنڑے ہوئے لوکاں کُوں چارے پاسُوں یعنی اسمان دے ہِک سرے کنُوں ڈُوجھے تئیں جمع کریسن۔

لُوقا 1:19

فرشتہ جواب ڈِتا، ”مَیں جبرائیل ہاں جیہڑا خُدا دے حضُور کھڑا راہندا ہاں، تے اِیں واسطے بھیجیا گِیا ہاں جو تیڈے نال کلام کراں تے تیکُوں اِنہاں گالھیں دی خوشخبری سُنڑاواں۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

1کُرِنتھِیوں 15:52

تے ایہ ہِک دم اکھ جھمکدیاں ای تھی ویسی جِیں ویلے آخری نرسِنگا وجایا ویسی۔ کیوں جو نرسِنگا وجایا ویسی، تے مُردے غیرفانی جِسم دی حالت ءچ زندہ تھی ویسن تے اساں سارے بدل ویسوں۔

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

مُکاشفہ 1:4

ایہ پیغام یُوحنّا دی طرفوں، اُنہاں سَت کلیسیاواں دے ناں ہے جیہڑیاں آسِیہ صوبے ءچ ہِن۔ تُہاکُوں اُوندی طرفوں فضل تے اِطمینان حاصل تھیندا راہوے، جیہڑا ہے، جیہڑا ہا تے جیہڑا آوݨ آلا ہے، تے اُنہاں سَت رُوحاں دی طرفوں جیہڑیاں اُوندے تخت دے سامنڑے ہِن،

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

مُکاشفہ 15:1

وَل مَیں اسمان ءچ ہِک بِیا عظیم تے حیران کرݨ آلا نشان ڈِٹھا یعنی سَت فرشتے سَت آفتاں گِھدی کھڑے ہَن۔ ایہ آفتاں آخری ہِن کیوں جو اِنہاں نال خُدا دا قہر ختم تھی ویندے۔

مُکاشفہ 16:1

وَل مَیں ہیکل ءچوں ہِک اُچی اواز سُنڑی جئیں اُنہاں ستّے فرشتیاں کُوں ایہ آکھیا، ”ونجو، خُدا دے قہر دے سَت مُنگراں کُوں زمین اُتے وِیٹ ڈیؤ۔“

مُکاشفہ 8:13

جِیں ویلے مَیں وَل نِگاہ کیتی تاں ہِک بہُوں وڈا عقاب اسمان دے اَدھ ءچ اُڈدا ہویا ڈِٹھا تے اُونکُوں اُچی اواز نال ایہ آدھے سُنڑیا جو ”اُنہاں ترے فرشتیاں دے نرسِنگیاں دی اواز دے سببّوں، جِنہاں دا وجایا ونجنڑ باقی ہے، زمین دے راہوݨ آلیاں اُتے افسوس، افسوس، افسوس!“

مُکاشفہ 8:6

اُوندے بعد او سَت فرشتے جِنہاں دے کولھ او سَت نرسِنگے ہَن، آپنڑا آپنڑا نرسِنگا وجاوݨ کیتے تیار تھئے۔

مُکاشفہ 9:1

جِیں ویلے پنجویں فرشتے آپنڑا نرسِنگا وجایا تاں مَیں ہِک تارہ ڈِٹھا جیہڑا اسمان کنُوں تروٹ تے زمین اُتے ڈھٹھا ہا۔ اُوں تارے کُوں بے تَل کھڈے دی کُنجی ڈِتی گئی۔