مُکاشفہ 7:15 - کِتاب مُقدّس سرائیکی ترجمہ

¹⁵ اِیں واسطے او خُدا دے تخت دے سامنڑے حاضر ہِن تے ڈینہہ رات اُوندی ہیکل ءچ اُوندی عبادت کریندے ہِن تے او جیہڑا تخت اُتے بیٹھے، اُنہاں ءچ سکونت کریسی۔

مُکاشفہ 7:15 Iomraidhean Croise

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

1کُرِنتھِیوں 3:16

کیا تُساں نئیں جانڑدے جو تُساں خُدا دی ہیکل ہیوے تے خُدا دا رُوح القُدس تُہاڈے ءچ وسیا ہویا ہے؟

2کُرِنتھِیوں 6:16

خُدا دی ہیکل دا بُتاں نال کیا تعلق؟ کیوں جو اساں زندہ خُدا دی ہیکل ہیں، جِینویں خُدا فرمایا ہے جو ”مَیں اُنہاں ءچ راہساں تے اُنہاں دے وچال پِھرساں۔ مَیں اُنہاں دا خُدا ہوساں تے او میڈی قوم ہوسن۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 8:1

جیہڑے گالھیں اساں ہُنڑ اکھیندے پئے ہیں، اُنہاں ءچوں مرکزی گالھ ایہ ہے جو ساڈا ایجھا کاہِن ِ اعظم ہے جیہڑا اسمان اُتے عظیم خُدا دے تخت دے سجے پاسے وَنج بیٹھے،

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 13:6

اُوں خُدا دی شان ءچ کُفر بَکنڑ کیتے آپنڑا مُنہ کھولیا جو اُوندے ناں تے اُوندی سکونت گاہ دے خلاف یعنی اسمان ءچ راہنڑ آلیاں دے خلاف کُفر بکے۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

مُکاشفہ 21:22

مَیں شہر ءچ کوئی ہیکل نہ ڈِٹھی کیوں جو خُداوند، قادر ِ مُطلق خُدا تے لیلا اُوندی ہیکل ہِن۔

مُکاشفہ 22:3

اُتھاں کوئی چیز نہ ہوسی جِیندے اُتے لعنت ہوسی۔ خُدا تے لیلے دا تخت اُوں شہر ءچ ہوسی تے اُوندے بندے اُوندی عبادت کریسن۔

مُکاشفہ 22:5

وَل کڈھائیں رات نہ تھیسی تے او چراغ تے سِجھ دی روشنی دے مُتھاج نہ ہوسن کیوں جو خُداوند خُدا خود اُنہاں کُوں روشن کریسی تے او ہمیشاں تئیں بادشاہی کریندے راہسن۔

مُکاشفہ 4:4

اُوں تخت دے چودھارُوں چوِّیہہ تخت ہَن جِنہاں اُتے چوِّیہہ بزُرگ چِٹے کپڑے پاتی بیٹھے ہَن تے اُنہاں دے سِراں اُتے سونے دے تاج ہَن۔

مُکاشفہ 4:8

تے چارے جانداراں دے چِھی چِھی کھمب ہَن، تے ایہ ہر پاسُوں تے کھمباں دے اندرُوں وی اکھیں نال بھرے ہوئے ہَن۔ تے او ڈینہہ رات رُکے بغیر ایہ آدھے راہندے ہَن، ”قدُّوس، قدُّوس، قدُّوس خُداوند، قادر مُطلق خُدا جیہڑا ہا، جیہڑا ہے تے جیہڑا آوݨ آلا ہے۔“

مُکاشفہ 4:9

جڈاں وی او جاندار اُوندی تمجید، عزت تے شُکرگزاری کریندے ہِن جیہڑا تخت اُتے بیٹھے تے ہمیشاں تئیں زندہ ہے،

مُکاشفہ 7:9

اِیندے بعد جِیں ویلے مَیں نِگاہ کیتی تاں ڈِٹھا جو ہر قوم، قبیلہ، اُمت تے اہل زبان دی ہِک ایجھی وڈی بِھیڑ ہے جِیندا شمار کرݨ ممکن نئیں۔ او چِٹے کپڑے پا تے تخت تے لیلے دے سامنڑے کھڑی ہئی۔ تے او ہتھاں ءچ کھجور دیاں لڑیاں گِھدے ہوئے