مُکاشفہ 6:12 - کِتاب مُقدّس سرائیکی ترجمہ

¹² جِیں ویلے لیلے چِھینویں مُہر کھولی تاں مَیں ڈِٹھا جو ہِک وڈا زلزلہ آیا تے سِجھ بکری دے والاں دے ٹاٹ آلی کار کالا تھی گِیا، چَن خون وانگُوں رَتّا تھی گِیا،

مُکاشفہ 6:12 Iomraidhean Croise

متّی 11:21

”خُرازین! تَیں اُتے افسوس، بیت صیدا! تَیں اُتے افسوس، کیوں جو جیہڑے معجزے تُہاڈے ءچ کیتے گئے، جے صور تے صیدا ءچ تھیندے تاں اُتھاں دے لوک ٹاٹ پا تے، تے سواہ ءچ بہہ تے کڈݨ دے توبہ کر گِھندے۔

متّی 24:29

تے فوراً اُنہاں ڈینہاں دی مُصیبت دے بعد سِجھ اندھارا تھی ویسی تے چَن آپنڑی روشنی نہ ڈیسی، تے اسمان کنُوں تارے ڈھاسن، تے اسمان دیاں طاقتاں ہلائیاں ویسن۔

متّی 24:7

کیوں جو قوم اُتے قوم تے سلطنت اُتے سلطنت چڑھائی کریسی۔ تے جاہ جاہ کال تے زلزلے آسن۔

متّی 27:45

ڈوپہر کنُوں گِھن تے تریجھے پہر تئیں سارے مُلک ءچ اندھارا چھایا ریہا۔

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

متّی 28:2

تے ڈیکھو ہِک وڈا زلزلہ آیا کیوں جو رب دا فرشتہ اسمان کنُوں لتھا تے قبر دے کولھ وَنج تے پتھر کُوں ریڑھ ڈِتا تے اُوندے اُتے بہہ گِیا۔

مرقس 15:33

جِیں ویلے ڈوپہر تھئی تاں سارے مُلک ءچ تریجھے پہر تئیں اندھارا چھایا ریہا۔

مُکاشفہ 11:13

اُوں ویلے ہِک وڈا زلزلہ آیا تے شہر دا ڈاہواں حصہ ڈھے پِیا۔ سَت ہزار لوک اُوں زلزلے نال مارے گئے تے جیہڑے باقی بچ گئے، اُنہاں دہشت زدہ تھی تے اسمان دے خُدا دی تعریف کیتی۔

مُکاشفہ 16:18

وَل بجلیاں تے گجکار دیاں آوازاں پیدا تھیّاں تے ہِک بہُوں وڈا زلزلہ آیا۔ اِنسان دے زمین اُتے پیدا تھیوݨ دے ویلے تُوں اَج تئیں ایجھا زلزلہ کڈھائیں نہ آیا ہا۔

مُکاشفہ 16:8

وَل چوتھے فرشتے آپنڑا مُنگر سِجھ اُتے وِیٹ ڈِتا تے سِجھ کُوں لوکاں کُوں بھاہ نال ساڑن دا اِختیار ڈِتا گِیا۔

مُکاشفہ 8:12

جِیں ویلے چوتھے فرشتے آپنڑا نرسِنگا وجایا تاں ہِک تِہائی سِجھ تے ہِک تِہائی چَن تے ہِک تِہائی تاریاں دا نُقصان تھیّا، اِتُھوں تئیں جو اُنہاں دا ہِک تِہائی حصہ اندھارا تھی گِیا تے اِینویں ڈینہہ دے ہِک تِہائی تے رات دے ہِک تِہائی حصے دی روشنی غائب تھی گئی۔

مُکاشفہ 8:5

وَل فرشتے قُربان گاہ کنُوں بھاہ گِھن تے خوشبودار مصالحہ ساڑن دے تھاں ءچ بھری تے اُونکُوں زمین اُتے سَٹ ڈِتا تے گجکار دیاں اوازاں تے بجلیاں چمکیاں تے زلزلہ آیا۔