مُکاشفہ 4:2 - کِتاب مُقدّس سرائیکی ترجمہ

² وَل میں رُوح القُدس دے اثر ءچ آ گِیا تے کیا ڈیدھا ہاں جو اسمان اُتے ہِک تخت ہے تے اُوندے اُتے کوئی بیٹھا ہے۔

مُکاشفہ 4:2 Iomraidhean Croise

متّی 22:43

اُوں اُنہاں کُوں آکھیا، ”وَل داؤد رُوح القُدس دی ہدایت نال اُونکُوں مالک کِینویں آدھا ہے جو

عبرانیوں 8:1

جیہڑے گالھیں اساں ہُنڑ اکھیندے پئے ہیں، اُنہاں ءچوں مرکزی گالھ ایہ ہے جو ساڈا ایجھا کاہِن ِ اعظم ہے جیہڑا اسمان اُتے عظیم خُدا دے تخت دے سجے پاسے وَنج بیٹھے،

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

مُکاشفہ 12:5

اُوں عورت ہِک پوتر جمیا، ہِک ایجھے بال کُوں جیہڑا ”لُوہے دی سوٹی نال ساریاں قوماں اُتے حکُومت کرݨ کُوں ہا۔“ وَل اُوندے بال کُوں اُتھوں چا تے خُدا تے خُدا دے تخت دے کولھ پُچا ڈِتا گِیا۔

مُکاشفہ 17:3

او فرشتہ میکُوں رُوح ءچ بیابان ءچ گِھن گِیا۔ اُتھاں مَیں ہِک عورت کُوں رتّے رنگ آلے ہِک ایجھے حیوان اُتے سوار ڈِٹھا جیندے سَت سر تے ڈاہ سینگ ہَن تے جیندے سارے جِسم اُتے کُفر دے ناں لِکھے ہَن۔

مُکاشفہ 19:4

وَل چوِّیہہ بزُرگاں تے چارے جانداراں خُدا کُوں جیہڑا تخت اُتے بیٹھا ہا، ڈھے تے سجدہ کیتا تے آکھیا ”آمین۔ ہلّلُویاہ!“

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

مُکاشفہ 21:10

تے او میکُوں رُوح ءچ ہِک وڈے، اُچے پہاڑ اُتے گِھن گِیا تے میکُوں مُقدّس شہر یروشلیم ڈِکھایا جیہڑا خُدا کنُوں اسمان تُوں تلے لہندا پِیا ہا۔

مُکاشفہ 21:5

وَل اُوں جیہڑا تخت اُتے بیٹھا ہا آکھیا، ”ڈیکھ مَیں ساریاں چیزاں کُوں نواں بنڑیندا پِیا ہاں۔“ وَل آکھیا جو ”لِکھ کیوں جو ایہ گالھیں اعتماد دے لائق تے سچے ہِن۔“

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔

مُکاشفہ 4:10

تاں او چوِّیہہ بزُرگ اُوندے اگُوں ڈھے پوندے ہِن جیہڑا تخت اُتے بیٹھے تے اُونکُوں جیہڑا ہمیشاں تئیں زندہ ہے سجدہ کریندے ہِن۔ او آپنڑے تاج اُوں تخت دے سامنڑے رکھ تے ایہ آدھے ہِن جو

مُکاشفہ 4:5

اُوں تخت ءچوں بجلیاں تے گجکار دیاں اوازاں نِکلدیاں پئیاں ہَن۔ تخت دے سامنڑے سَت چراغ بلدے پئے ہَن جیہڑے خُدا دیاں سَت رُوحاں ہِن۔

مُکاشفہ 4:9

جڈاں وی او جاندار اُوندی تمجید، عزت تے شُکرگزاری کریندے ہِن جیہڑا تخت اُتے بیٹھے تے ہمیشاں تئیں زندہ ہے،

مُکاشفہ 5:1

وَل مَیں اُوندے سجے ہتھ ءچ، جیہڑا تخت اُتے بیٹھا ہا، ہِک طُومار ڈِٹھا جیہڑا ڈوہائیں پاسُوں لِکھیا ہویا ہا تے جِینکُوں سَت مُہراں لا تے بند کیتا گِیا ہا۔

مُکاشفہ 5:13

وَل مَیں اسمان تے زمین اُتے، تے زمین دے تلے تے سمندر دی ساری مخلوق کُوں یعنی سبھ شیواں کُوں جیہڑیاں اُنہاں ءچ ہِن، ایہ آدھے ہوئے سُنڑیا جو ”جیہڑا تخت اُتے بیٹھا ہے، اُوندی تے لیلے دی تمجید، عزت، جلال تے قُدرت ہمیشاں تئیں راہوے۔“

مُکاشفہ 6:16

او پہاڑاں تے چٹاناں کُوں آکھنڑ لگے جو ”ساڈے اُتے ڈھے پوو تے ساکُوں اُوندے چہرہ کنُوں جیہڑا تخت اُتے بیٹھے تے لیلے دے غضب کنُوں بچا گِھنو،