مُکاشفہ 4:1 - کِتاب مُقدّس سرائیکی ترجمہ

¹ اِنہاں گالھیں دے بعد مَیں نِگاہ چاتی تاں اسمان ءچ ہِک دروازہ کُھلیا ہویا ڈِٹھا تے اُوں نرسِنگے جیہی اواز کُوں جئیں پہلے میڈے نال گالھ کیتی ہئی، ایہ اکھیندے ہوئے سُنڑیا جو ”اِتھاں اُتاں آ وَنج۔ مَیں تیکُوں او گالھیں ڈِکھیساں، جِنہاں دا اِیندے بعد تھیوݨ ضرور ہے۔“

مُکاشفہ 4:1 Iomraidhean Croise

متّی 3:16

یسُوع بپتسمہ گِھن تے فوراً پانڑی تُوں باہر آیا۔ تے ڈیکھو اُوندے کیتے اسمان کُھل گِیا تے اُوں خُدا دے رُوح کُوں کبوتر وانگُوں آپنڑے اُتے لہندے ڈِٹھا۔

مرقس 1:10

جِیں ویلے او پانڑی ءچوں نِکل تے باہر آیا تاں اُوں اسمان کُوں پھٹدے تے رُوح القُدس کُوں کبوتر وانگُوں آپنڑے اُتے لہندے ڈِٹھا۔

لُوقا 3:21

جِیں ویلے سبھ لوکاں بپتسمہ گِھن گِھدا تاں یسُوع وی بپتسمہ گِھدا۔ جِیں ویلے او دُعا کریندا پِیا ہا تاں اسمان کُھل گِیا،

یُوحنّا 16:13

پر جِیں ویلے او، یعنی سچائی دا رُوح آسی تاں او پُوری سچائی دو تُہاڈی راہنمائی کریسی۔ کیوں جو او آپنڑی طرفوں کُجھ نہ اکھیسی بلکہ تُہاکُوں صرف اُوہو ڈسیسی جیہڑا کُجھ او سُنڑسی تے تُہاکُوں آوݨ آلے گالھیں دی خبر ڈیسی۔

اعمال 10:11

اُوں ڈِٹھا جو اسمان کُھل گئے تے کوئی چیز ہِک وڈی چادر آلی کار چارے کونیاں کنُوں لٹکدی ہوئی زمین دو آندی پئی ہئی،

اعمال 7:56

آکھیا جو ”ڈیکھو، مَیں اسمان کُوں کُھلیا تے اِبنِ آدم کُوں خُدا دے سجے پاسُوں کھڑا ڈیدھا ہاں۔“

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

مُکاشفہ 1:12

جِیں ویلے میں آپنڑے نال کلام کرݨ آلے کُوں ڈیکھنڑ کیتے مُڑیا تاں میکُوں سونے دے سَت چراغ دان نظر آئے۔

مُکاشفہ 1:19

اِیں واسطے جیہڑا کُجھ تَیں ڈِٹھے تے جیہڑا کُجھ ہُنڑ ہے تے جیہڑا اِنہاں دے بعد واقع تھیوݨ آلا ہے، اُنہاں کُوں لِکھ گِھن۔

مُکاشفہ 11:12

وَل اُنہاں کُوں اسمان کنُوں ہِک اُچی اواز سُنڑائی ڈِتی جیہڑی ایہ آدھی پئی ہئی جو ”اِتھاں اُتے آ ونجو۔“ تے او بدلاں اُتے سوار تھی تے دُشمنڑاں دے ڈیدھے ڈیدھے اسمان اُتے چلے گئے۔

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 16:17

وَل ستویں فرشتے آپنڑا مُنگر ہوا اُتے وِیٹ ڈِتا تے ہیکل دے تخت ءچوں ہِک وڈی اواز ایہ آدھی ہوئی سُنڑائی ڈِتی جو ”پُورا تھی گِیا!“

مُکاشفہ 19:11

وَل مَیں اسمان کُوں کُھلیا ڈِٹھا تے میکُوں ہِک چِٹا گھوڑا نظر آیا جِیندا سوار وفادار تے سچا اکھویندے تے اِنصاف نال عدالت تے جنگ کریندے۔

مُکاشفہ 22:6

اُوں فرشتے میکُوں آکھیا، ”ایہ گالھیں اعتماد دے قابل تے سچے ہِن۔ خُداوند جیہڑا نبیاں دیاں رُوحاں دا خُدا ہے، آپنڑا فرشتہ اِیں غرض نال بھیجیا ہے جو او آپنڑے بندیاں اُتے او گالھیں ظاہر کرے جِنہاں دا جلدی واقع تھیوݨ ضرور ہے۔“