مُکاشفہ 3:8 - کِتاب مُقدّس سرائیکی ترجمہ

⁸ ”مَیں تیڈے کماں کُوں جانڑدا ہاں۔ ڈیکھ! مَیں تیڈے سامنڑے ہِک دروازہ کھول رکھے جِینکُوں کوئی بند نئیں کر سگدا۔ مَیں جانڑدا ہاں جو تیڈے ءچ طاقت گھٹ ہے پر تَیں میڈے کلام اُتے عمل کیتے تے میڈے ناں دا اِنکار نئیں کیتا۔

مُکاشفہ 3:8 Iomraidhean Croise

لُوقا 12:9

پر جیہڑا لوکاں دے سامنڑے میڈا اِنکار کریسی، خُدا دے فرشتیاں دے سامنڑے اُوندا اِنکار کیتا ویسی۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

یُوحنّا 17:6

مَیں تیڈا ناں اُنہاں اُتے ظاہر کیتے جِنہاں کُوں تُوں دُنیا ءچوں چُنڑ تے میکُوں ڈِتے۔ او تیڈے ہَن، تے تُوں اُنہاں کُوں میڈے حوالے کر ڈِتے تے اُنہاں تیڈے کلام اُتے عمل کیتا ہے۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

1کُرِنتھِیوں 16:9

کیوں جو اِتھاں میڈے کیتے تبلیغ کرݨ دا ہِک وڈا دروازہ کُھلیا پِیا ہے، بےشک مخالفت کرݨ آلے وی بہُوں ہِن۔

2کُرِنتھِیوں 2:12

جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

فِلِپّیوں 4:13

مَیں یسُوع المسیح دے وسیلے جیہڑا میکُوں طاقت ڈیندے، سبھ کُجھ کر سگدا ہاں۔

کلُسِّیوں 4:3

تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

1 تِیمُتھِیُس 5:8

جیہڑا بندہ آپنڑے رشتہ داراں، خاص کر آپنڑے گھر آلیاں دا خیال نئیں کریندا او اِیمان دا مُنکر ہے تے غیر اِیمانداراں کنُوں وی بدتر ہے۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

مُکاشفہ 22:7

”ڈیکھ، مَیں جلدی آوݨ آلا ہاں۔ مُبارک ہے او جیہڑا اِیں نبُوّت دے گالھیں اُتے عمل کریندے۔“

مُکاشفہ 3:1

سردِیس دی کلیسیا دے فرشتہ کُوں لِکھ جو جیندے کولھ خُدا دیاں سَت رُوحاں تے سَت تارے ہِن، او ایہ فرمیندے جو ”مَیں تیڈے کماں کُوں جانڑدا ہاں۔ تُوں زندہ اکھویندا ہیں، پر ہیں مُردہ۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

مُکاشفہ 3:15

”مَیں تیڈے کماں کُوں جانڑدا ہاں جو تُوں نہ تاں ٹھڈا ہیں نہ گرم۔ کاش جو تُوں ٹھڈا یا گرم ہوندا۔

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو