مُکاشفہ 3:15 - کِتاب مُقدّس سرائیکی ترجمہ

¹⁵ ”مَیں تیڈے کماں کُوں جانڑدا ہاں جو تُوں نہ تاں ٹھڈا ہیں نہ گرم۔ کاش جو تُوں ٹھڈا یا گرم ہوندا۔

مُکاشفہ 3:15 Iomraidhean Croise

متّی 10:37

جیہڑا کوئی آپنڑے پِیُو یا ماء کُوں مَیں کنُوں زیادہ پیار کریندے او میڈے لائق نئیں، تے جیہڑا کوئی آپنڑے پوتر یا دِھی کُوں مَیں کنُوں زیادہ پیار کریندے او میڈے لائق نئیں۔

متّی 24:12

بدکاری دے ودھ ونجنڑ پارُوں لوکاں دی محبت ٹھڈی پے ویسی۔

متّی 6:24

کوئی بندہ ڈُو مالکاں دی خدمت نئیں کر سگدا، کیوں جو یا او ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔

رومیوں 12:11

کوشش ءچ سُستی نہ کرو، بلکہ رُوحانی جوش نال بھرے راہو تے خُداوند دی خدمت کریندے راہو۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

فِلِپّیوں 1:9

میڈی دُعا ہے جو تُہاڈی محبت ودھدی ونجے تے تُساں علم تے ہر طرحاں دی سمجھ ءچ ودھدے ونجو،

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

یعقُوب 1:8

کیوں جو او ڈُو دِلا ہے تے کہیں گالھ اُتے نئیں کھڑدا۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

مُکاشفہ 2:4

پر میکُوں تَیں تُوں ایہ شکایت ہے جو تَیں آپنڑی پہلے آلی محبت چھوڑ ڈِتی ہے۔

مُکاشفہ 3:1

سردِیس دی کلیسیا دے فرشتہ کُوں لِکھ جو جیندے کولھ خُدا دیاں سَت رُوحاں تے سَت تارے ہِن، او ایہ فرمیندے جو ”مَیں تیڈے کماں کُوں جانڑدا ہاں۔ تُوں زندہ اکھویندا ہیں، پر ہیں مُردہ۔

مُکاشفہ 3:16

پر کیوں جو تُوں نہ گرم ہیں نہ ٹھڈا بلکہ نیم گرم ہیں، اِیں واسطے مَیں تیکُوں آپنڑے مُنہ ءچوں تُھکنڑ آلا ہاں۔