مُکاشفہ 3:1 - کِتاب مُقدّس سرائیکی ترجمہ

¹ سردِیس دی کلیسیا دے فرشتہ کُوں لِکھ جو جیندے کولھ خُدا دیاں سَت رُوحاں تے سَت تارے ہِن، او ایہ فرمیندے جو ”مَیں تیڈے کماں کُوں جانڑدا ہاں۔ تُوں زندہ اکھویندا ہیں، پر ہیں مُردہ۔

مُکاشفہ 3:1 Iomraidhean Croise

لُوقا 15:24

کیوں جو میڈا ایہ پوتر مر گِیا ہا، ہُنڑ زندہ تھئے، گُم تھی گِیا ہا، ہُنڑ مِلیا ہے۔‘ بس او خوشی مناوݨ لگے۔

لُوقا 15:32

پر خوشی مناوݨ تے شادمان تھیوݨ لازم ہا کیوں جو تیڈا ایہ بِھرا مر گِیا ہا، ہُنڑ زندہ تھئے، گُم تھی گِیا ہا، ہُنڑ مِل گئے‘۔“

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

یُوحنّا 1:33

مَیں تاں اُونکُوں پچھانڑدا نہ ہم پر جئیں میکُوں پانڑی نال بپتسمہ ڈیوݨ کیتے بھیجیا ہا اُوں میکُوں ڈسایا جو ’جیندے اُتے رُوح القُدس کُوں لہندے تے کھڑ دا ڈیکھیں، اُوہو رُوح القُدس نال بپتسمہ ڈیسی۔‘

یُوحنّا 20:22

ایہ آکھ تے اُوں اُنہاں اُتے پُھونکا ڈِتا تے آکھیا، ”رُوح القُدس گِھنو۔

یُوحنّا 3:34

کیوں جو جِینکُوں خُدا بھیجیا ہے او خُدا دے گالھیں اکھیندے، اِیں واسطے جو خُدا رُوح القُدس ناپ ناپ تے نئیں ڈیندا۔

اعمال 2:33

ہُنڑ اُونکُوں سرفراز کر تے خُدا دے سجے ہتھ بِلھایا گِیا ہے، تے اُوں باپ کنُوں وعدہ کیتا ہویا رُوح القُدس حاصل کر تے نازل کیتا جِیندا اثر تُساں ڈیدھے تے سُنڑدے ہیوے۔

اِفِسیوں 2:1

تُساں پہلے آپنڑے قصُوراں تے گُناہاں دی وجہ کنُوں رُوحانی طور تے مُردہ ہَوے

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

کلُسِّیوں 2:13

تُساں تاں آپنڑے گُناہاں دے سببّوں تے ختنہ نہ کراوݨ دے سببّوں مُردہ ہَوے، پر خُدا تُہاکُوں مسیح نال زندہ کیتے۔ اُوں ساڈے سارے گُناہ معاف کر ڈِتے

1 تِیمُتھِیُس 5:6

پر جیہڑی بیوہ عیاشی ءچ زندگی گُزریندی ہے، او زندہ ہوندے ہوئے وی مُردہ ہے۔

یعقُوب 2:26

بس جِینویں بدن بغیر رُوح دے مُردہ ہے، اُونویں ای اِیمان وی بغیر اعمال دے مُردہ ہے۔

1 پطرس 1:11

اُنہاں پتا کرݨ دی کوشش کیتی جو مسیح دا رُوح جیہڑا اُنہاں ءچ ہا، کیندے دو تے کیہڑے وقت دو اِشارہ کریندا پِیا ہا، جِیں ویلے اُوں مسیح دے ڈُکھ سہنڑ، تے بعد ءچ جلال پاوݨ دی پیشنگوئی کیتی ہئی۔

یہُوداہ 1:12

ایہ لوک تُہاڈیاں رفاقتی دعوتاں ءچ دریا ءچ لُکیاں ہوئیاں چٹاناں وانگُوں ہِن۔ ایہ ایجھے آجڑی ہِن جیہڑے بے دھڑک کھاندے ہِن۔ ایہ بغیر پانڑی دے بدلاں وانگُوں ہِن جِنہاں کُوں ہوا چا گِھن ویندی ہے۔ ایہ پتر کیر دے بے پھل درخت ہِن جیہڑے جڑھ کنُوں اُکھڑ گئے ہِن تے اِینویں ڈُوہائیں لحاظ نال مُردہ ہِن۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

مُکاشفہ 1:16

اُوندے سجے ہتھ ءچ سَت تارے ہَن۔ اُوندے مُنہ ءچوں ہِک ڈُو دھاری تیز تلوار نِکلدی پئی ہئی تے اُوندا چہرہ اِینویں چمکدا پِیا ہا جِینویں سِجھ پُوری شِدت نال چمکدا پِیا ہووے۔

مُکاشفہ 1:20

او سَت تارے جیہڑے تَیں میڈے سجے ہتھ ءچ ڈِٹھے ہِن تے سونے دے سَت چراغ داناں دا راز ایہ ہے : او سَت تارے تاں سَت کلیسیاواں دے فرشتے ہِن تے سَت چراغ دان سَت کلیسیاواں ہِن۔“

مُکاشفہ 1:4

ایہ پیغام یُوحنّا دی طرفوں، اُنہاں سَت کلیسیاواں دے ناں ہے جیہڑیاں آسِیہ صوبے ءچ ہِن۔ تُہاکُوں اُوندی طرفوں فضل تے اِطمینان حاصل تھیندا راہوے، جیہڑا ہے، جیہڑا ہا تے جیہڑا آوݨ آلا ہے، تے اُنہاں سَت رُوحاں دی طرفوں جیہڑیاں اُوندے تخت دے سامنڑے ہِن،

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 2:19

”مَیں تیڈے کماں، تیڈی محبت، تیڈے اِیمان، تیڈی خدمت تے تیڈی ثابت قدمی کُوں جانڑدا ہاں تے ایہ وی جو تُوں ہُنڑ پہلے کنُوں وی زیادہ کم کریندا پِیا ہیں۔

مُکاشفہ 2:2

”مَیں تیڈے کم، تیڈی محنت تے تیڈی ثابت قدمی کُوں جانڑدا ہاں۔ تے ایہ وی جانڑدا ہاں جو تُوں بدکاراں کُوں برداشت نئیں کر سگدا تے جیہڑے آپنڑے آپ کُوں رسُول آدھے ہِن پر ہِن نئیں، تَیں اُنہاں کُوں ازمائے تے کُوڑا ثابت کیتے۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

مُکاشفہ 3:15

”مَیں تیڈے کماں کُوں جانڑدا ہاں جو تُوں نہ تاں ٹھڈا ہیں نہ گرم۔ کاش جو تُوں ٹھڈا یا گرم ہوندا۔

مُکاشفہ 3:2

نیندر کنُوں جاگ تے جیہڑا باقی ہے تے مرݨ آلا ہے، اُونکُوں مضبوط کر گِھن، کیوں جو مَیں تیڈے کم خُدا دی نِگاہ ءچ مکمل نئیں ڈِٹھے۔

مُکاشفہ 3:8

”مَیں تیڈے کماں کُوں جانڑدا ہاں۔ ڈیکھ! مَیں تیڈے سامنڑے ہِک دروازہ کھول رکھے جِینکُوں کوئی بند نئیں کر سگدا۔ مَیں جانڑدا ہاں جو تیڈے ءچ طاقت گھٹ ہے پر تَیں میڈے کلام اُتے عمل کیتے تے میڈے ناں دا اِنکار نئیں کیتا۔

مُکاشفہ 4:5

اُوں تخت ءچوں بجلیاں تے گجکار دیاں اوازاں نِکلدیاں پئیاں ہَن۔ تخت دے سامنڑے سَت چراغ بلدے پئے ہَن جیہڑے خُدا دیاں سَت رُوحاں ہِن۔

مُکاشفہ 5:6

وَل مَیں اُوں تخت، چارے جانداراں تے اُنہاں بزُرگاں دے وچال ہِک لیلا کھڑا ڈِٹھا جیہڑا ذبح تھیّا ہویا لگدا ہا۔ اُوندے سَت سینگ ہَن تے سَت اکھیں۔ ایہ خُدا دیاں سَت رُوحاں ہِن جیہڑیاں ساری زمین اُتے بھیجیاں گئیاں ہِن۔