مُکاشفہ 22:4 - کِتاب مُقدّس سرائیکی ترجمہ

⁴ او اُوندا مُنہ ڈیکھسن تے اُوندا ناں اُنہاں دے متھیاں اُتے لِکھیا ہوسی۔

مُکاشفہ 22:4 Iomraidhean Croise

متّی 5:8

مُبارک ہِن او جیہڑے پاک دل ہِن، کیوں جو او خُدا کُوں ڈیکھسن۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

1کُرِنتھِیوں 13:12

ہُنڑ ساکُوں شیشے ءچ دُھندلا نظر آندے پر اُوں ویلے آمنڑے سامنڑے ڈیکھسوں۔ اِیں ویلے میڈا علم نامکمل ہے پر اُوں ویلے پُوری طرحاں پچھاݨ گِھنساں، جِینویں خُدا میکُوں پُوری طرحاں پچھانڑے۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

مُکاشفہ 14:1

وَل مَیں نِگاہ کیتی تاں ڈِٹھا جو او لیلا صِیُّون پہاڑ اُتے کھڑا ہے تے اُوندے نال ہِک لکھ چوتالیہہ ہزار (1,44,000) بندے وی کھڑے ہَن جِنہاں دے متھے اُتے اُوندا تے اُوندے باپ دا ناں لِکھیا ہا۔

مُکاشفہ 3:12

جیہڑا غالب آسی، مَیں اُونکُوں آپنڑے خُدا دی ہیکل ءچ ہِک تھمبا بنڑا ڈیساں۔ او ہمیشاں تئیں اُتھاں راہسی تے مَیں اُوندے اُتے آپنڑے خُدا دا ناں تے آپنڑے خُدا دے شہر دا ناں لِکھساں یعنی نواں یروشلیم جیہڑا میڈے خُدا دی طرفوں اسمان کنُوں لہوݨ آلا ہے۔ تے مَیں اُوندے اُتے آپنڑا نواں ناں وی لِکھساں۔

مُکاشفہ 7:3

”جِیں ویلے تئیں اساں آپنڑے خُدا دے بندیاں دے متھیاں اُتے مُہر نہ لا گِھنوں، زمین تے سمندر تے درختاں کُوں نُقصان نہ پُچائے۔“