مُکاشفہ 22:20 - کِتاب مُقدّس سرائیکی ترجمہ

²⁰ اِنہاں گالھیں دی گواہی ڈیوݨ آلا فرمیندے، ”بے شک مَیں جلدی آوݨ آلا ہاں۔“ ”آمین! ہا، اے خُداوند یسُوع آ۔“

مُکاشفہ 22:20 Iomraidhean Croise

یُوحنّا 21:25

بئے وی بہُوں سارے کم ہِن جیہڑے یسُوع کیتے۔ جے ہر ہِک دے بارے ءچ لِکھیا ویندا تاں مَیں سمجھدا ہاں جو جیہڑیاں کتاباں لِکھیاں ویندیاں اُنہاں کیتے دُنیا ءچ جاہ نہ ہوندی۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

عبرانیوں 10:37

کیوں جو ہُنڑ تھوڑی جیہی دیر باقی ہے جو ”آوݨ آلا آ ویسی، تے دیر نہ لیسی۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 1:2

تے جیہڑا کُجھ یُوحنّا ڈِٹھا، اُوں اُوندی گواہی ڈِتی ہے بھانویں او خُدا دے کلام دی گواہی ہووے یا یسُوع مسیح دی۔

مُکاشفہ 2:16

اِیں واسطے توبہ کر، نہ تاں مَیں جلدی تیڈے کولھ آساں تے آپنڑے مُنہ دی تلوار نال اُنہاں نال لڑساں۔

مُکاشفہ 22:10

وَل اُوں میکُوں آکھیا، ”تُوں اِیں کتاب دی نبُوّت دے گالھیں کُوں مُہر لا تے بند کر تے نہ رکھ، کیوں جو وقت نزدیک ہے۔

مُکاشفہ 22:12

”ڈیکھ، مَیں جلدی آوݨ آلا ہاں۔ تے ہر ہِک دے کم دے مطابق ڈیوݨ کیتے اجر میڈے کولھ ہے۔

مُکاشفہ 22:18

مَیں ہر ہِک بندے دے اگُوں جیہڑا اِیں کتاب دی نبُوّت دے گالھیں سُنڑدے، گواہی ڈیندا ہاں جو جے کوئی بندہ اُنہاں ءچ کُجھ ودھیسی تاں خُدا اِیں کتاب ءچ لِکھیاں ہوئیاں آفتاں اُوندے اُتے نازل کریسی۔

مُکاشفہ 22:7

”ڈیکھ، مَیں جلدی آوݨ آلا ہاں۔ مُبارک ہے او جیہڑا اِیں نبُوّت دے گالھیں اُتے عمل کریندے۔“