مُکاشفہ 22:11 - کِتاب مُقدّس سرائیکی ترجمہ

¹¹ جیہڑا بُرائی کریندے، او بُرائی ای کریندا راہوے۔ جیہڑا ناپاک ہے، او ناپاک ای راہوے۔ جیہڑا راستبازی کریندے، او راستبازی ای کریندا راہوے۔ تے جیہڑا پاک ہے، او پاک ای راہوے۔“

مُکاشفہ 22:11 Iomraidhean Croise

متّی 15:14

اُنہاں کُوں چھوڑ ڈیؤ۔ او اندھے راہ ڈِکھاوݨ آلے ہِن، تے جے اندھا ڈُوجھے اندھے کُوں راہ ڈکھیسی تاں ڈوہائیں کھڈے ءچ ڈھاسن۔“

متّی 21:19

او رستے ءچ ہنجیر دا ہِک درخت ڈیکھ تے اُوندے نیڑے گِیا پر پتراں دے سِوا اُوندے اُتے کُجھ نہ پا تے آکھیا، ”ولا کڈھائیں تیکُوں پھل نہ لگے۔“ تے ہنجیر دا درخت اُوں ویلے ای سُک گِیا۔

متّی 25:10

جیہڑے ویلے او تیل گِھننڑ ویندیاں پئیاں ہَن تاں گھوٹ آ گِیا تے جیہڑیاں تیار ہَن گھوٹ دے نال شادی دی دعوت ءچ اندر چلیاں گئیاں تے دَر بند تھی گِیا۔

متّی 5:45

تاں تُساں آپنڑے اسمانی باپ دے فرزند بنڑ سو۔ کیوں جو او آپنڑے سِجھ کُوں نیکاں تے بداں ڈوہائیں اُتے چمکیندے تے نیکاں تے گُنہگاراں ڈوہائیں اُتے مینہ وسیندے۔

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

یُوحنّا 8:21

یسُوع ولا اُنہاں کُوں آکھیا، ”مَیں ویندا ہاں تے تُساں میکُوں گولھیسو پر آپنڑے گُناہاں ءچ مرسو۔ جِتھاں مَیں ویندا ہاں، اُتھاں تُساں نئیں آ سگدے۔“

اِفِسیوں 5:27

تے ایجھی جلال آلی کلیسیا بنڑا تے آپنڑے کولھ حاضر کرے جیندے ءچ کوئی داغ یا جُھری یا کوئی بِیا نُقص نہ ہووے بلکہ او پاک تے بے اِلزام ہووے۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

مُکاشفہ 16:21

تے اسمان کنُوں لوکاں اُتے مَنڑ مَنڑ دے ننڑاوے ڈھٹھے۔ ایہ آفت بہُوں ای سخت ہئی، اِیں واسطے لوک ننڑاوے ڈھاوݨ دی آفت دی وجہ کنُوں خُدا دے ناں دی توہین کرݨ لگے۔

مُکاشفہ 22:3

اُتھاں کوئی چیز نہ ہوسی جِیندے اُتے لعنت ہوسی۔ خُدا تے لیلے دا تخت اُوں شہر ءچ ہوسی تے اُوندے بندے اُوندی عبادت کریسن۔