مُکاشفہ 22:10 - کِتاب مُقدّس سرائیکی ترجمہ

¹⁰ وَل اُوں میکُوں آکھیا، ”تُوں اِیں کتاب دی نبُوّت دے گالھیں کُوں مُہر لا تے بند کر تے نہ رکھ، کیوں جو وقت نزدیک ہے۔

مُکاشفہ 22:10 Iomraidhean Croise

متّی 10:27

جیہڑا کُجھ مَیں تُہاکُوں اندھارے ءچ آدھا ہاں تُساں اُونکُوں سوجھلے ءچ آکھو۔ تے جیہڑا کُجھ تُساں کَن ءچ سُنڑدے ہیوے کوٹھیاں اُتے اُوندی تبلیغ کرو۔

رومیوں 13:11

وقت کُوں پچھانڑو تے اِینویں ای کرو، کیوں جو نیندر کنُوں جاگنڑ دا ویلا آ گِیا ہے۔ جِیں ویلے اساں اِیمان گِھن آئے ہسے، اُوں وقت دی نسبت ہُنڑ ساڈی نجات بہُوں نیڑے ہے۔

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

مُکاشفہ 1:3

مُبارک ہے او جیہڑا اِیں نبُوّت دے کلام دی تلاوت کریندے تے مُبارک ہِن او جیہڑے سُنڑ تے اِیں نبُوّت ءچ لِکھے ہوئے کلام اُتے عمل کریندے ہِن، کیوں جو وقت نزدیک ہے۔

مُکاشفہ 10:4

اُنہاں گجکار دیاں آوازاں کُوں سُنڑ تے مَیں لِکھنڑ لگا ہم جو اسمان کنُوں ہِک اواز ایہ آدھے ہوئے سُنڑی جو، ”جیہڑا کُجھ گجکار دیاں سَت آوازاں آکھیا ہے اُونکُوں راز ءچ رکھ، تے نہ لِکھ۔“

مُکاشفہ 22:16

مَیں یسُوع آپنڑا فرشتہ اِیں واسطے بھیجیا ہے جو او کلیسیاواں کیتے اِنہاں گالھیں دی تُہاڈے اگُوں گواہی ڈیوے۔ مَیں داؤد دی اصل تے نسل تے صُبح دا نُورانی تارہ ہاں۔“

مُکاشفہ 22:18

مَیں ہر ہِک بندے دے اگُوں جیہڑا اِیں کتاب دی نبُوّت دے گالھیں سُنڑدے، گواہی ڈیندا ہاں جو جے کوئی بندہ اُنہاں ءچ کُجھ ودھیسی تاں خُدا اِیں کتاب ءچ لِکھیاں ہوئیاں آفتاں اُوندے اُتے نازل کریسی۔

مُکاشفہ 22:20

اِنہاں گالھیں دی گواہی ڈیوݨ آلا فرمیندے، ”بے شک مَیں جلدی آوݨ آلا ہاں۔“ ”آمین! ہا، اے خُداوند یسُوع آ۔“

مُکاشفہ 22:7

”ڈیکھ، مَیں جلدی آوݨ آلا ہاں۔ مُبارک ہے او جیہڑا اِیں نبُوّت دے گالھیں اُتے عمل کریندے۔“

مُکاشفہ 22:9

پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال، تیڈے بِھرانواں نال جیہڑے نبی ہِن تے اُنہاں ساریاں نال جیہڑے اِیں کتاب دی نبُوّت دے گالھیں منیندے ہِن، خدمت کرݨ آلا ہاں۔ خُدا کُوں ای سجدہ کر۔“

مُکاشفہ 5:1

وَل مَیں اُوندے سجے ہتھ ءچ، جیہڑا تخت اُتے بیٹھا ہا، ہِک طُومار ڈِٹھا جیہڑا ڈوہائیں پاسُوں لِکھیا ہویا ہا تے جِینکُوں سَت مُہراں لا تے بند کیتا گِیا ہا۔