مُکاشفہ 2:24 - کِتاب مُقدّس سرائیکی ترجمہ

²⁴ پر تُساں تھواتِیرہ دے باقی لوکاں کُوں جِنہاں اِیزبل دی تعلیم دی پیروی نئیں کیتی تے جِنہاں اُنہاں گالھیں کُوں نئیں سِکھیا، جِنہاں کُوں لوک شیطان دے گہرے راز آدھے ہِن، مَیں ایہ آدھا ہاں جو مَیں تُہاڈے اُتے کوئی بِیا بھار نہ پیساں،

مُکاشفہ 2:24 Iomraidhean Croise

اعمال 15:28

کیوں جو رُوح القُدس تے اساں مناسب سمجھیا جو اِنہاں لازمی گالھیں دے علاوہ تُہاڈے اُتے کوئی بِیا بھار نہ سَٹُوں،

اعمال 16:14

ساڈے گالھیں سُنڑݨ آلیاں عورتاں ءچوں لُدیہ ناں دی ہِک عورت ہئی۔ او تھواتِیرہ شہر دی ہئی تے جامنی رنگ دے کپڑے دا کاروبار کریندی ہئی تے بہُوں خُدا پرست ہئی۔ خُداوند اُوندا دل کھولیا تاں جو او پولُس دا پیغام سُنڑے تے اُونکُوں قبول کرے۔

1کُرِنتھِیوں 2:10

پر اساں اُتے خُدا اُنہاں کُوں رُوح القُدس دے وسیلے نال ظاہر کیتا، کیوں جو رُوح القُدس ہر گالھ، اِتُھوں تئیں جو خُدا دے گہرے راز دے گالھیں وی جانڑدے۔

2کُرِنتھِیوں 11:3

پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔

2کُرِنتھِیوں 2:11

اِینویں نہ تھیوے جو شیطان کُوں ساڈے تُوں فائدہ چاوݨ دا موقع مِل ونجے کیوں جو اساں اُوندیاں چالاں کُوں چنگی طرحاں جانڑدے ہیں۔

یعقُوب 3:15

ایجھی حِکمت اسمان کنُوں نئیں لہندی بلکہ دُنیاوی، نفسانی تے شیطانی ہے۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

مُکاشفہ 2:18

تھواتِیرہ دی کلیسیا دے فرشتہ کُوں لِکھ جو خُدا دا پوتر جیندے اکھیں بھاہ دے شعلہ وانگُوں تے جیندے پیر خالص پِتّل وانگُوں ہِن، ایہ فرمیندے جو

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔