مُکاشفہ 2:23 - کِتاب مُقدّس سرائیکی ترجمہ

²³ ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

مُکاشفہ 2:23 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

لُوقا 16:15

یسُوع اُنہاں کُوں آکھیا جو ”تُساں او ہیوے جیہڑے لوکاں دے سامنڑے آپنڑے آپ کُوں راستباز ظاہر کریندے ہیوے پر خُدا تُہاڈے دِلاں دی حالت کنُوں واقف ہے کیوں جو جیہڑی چیز آدمیاں دی نِگاہ ءچ اعلیٰ ہے او خُدا دے حضُور مکرُوہ ہے۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 4:16

یسُوع اُونکُوں آکھیا، ”وَنج تے آپنڑے پئے کُوں اِتھاں سڈ آ۔“

اعمال 1:24

تے ایہ آکھ تے دُعا کیتی جو ”اے خُداوند! تُوں جیہڑا سبھ دے دِلاں کُوں جانڑدا ہیں، ساڈے اُتے ظاہر کر جو اِنہاں ڈوہائیں ءچوں تُوں کِینکُوں چُنڑیا ہے،

رومیوں 14:12

بس ساڈے ءچوں ہر ہِک کُوں خُدا دے سامنڑے آپنڑا حساب ڈیونڑا پوسی۔

رومیوں 8:27

تے او جیہڑا ساڈے دِلاں کُوں پرکھدا ہے رُوح القُدس دی سوچ کُوں جانڑدے کیوں جو رُوح القُدس خُدا دی مرضی دے مطابق مُقدّساں دی شفاعت کریندے۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

گلتِیوں 6:5

کیوں جو ہر ہِک بندہ آپنڑا ای بھار چیسی۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

مُکاشفہ 2:11

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی اُونکُوں ڈُوجھی موتکنُوں کوئی نُقصان نہ پُجسی۔“

مُکاشفہ 2:7

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں زندگی دے اُوں درخت دا پھل کھاوݨ کیتے ڈیساں جیہڑا خُدا دے فِردوس ءچ ہے۔“

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔

مُکاشفہ 20:13

سمندر اُنہاں مُردیاں کُوں جیہڑے اُوندے ءچ ہَن ڈے ڈِتا، تے موت تے عالم ِ ارواح آپنڑے مُردیاں کُوں ڈے ڈِتا۔ تے ہر ہِک دی عدالت اُوندے اعمال دے مطابق کیتی گئی۔

مُکاشفہ 22:12

”ڈیکھ، مَیں جلدی آوݨ آلا ہاں۔ تے ہر ہِک دے کم دے مطابق ڈیوݨ کیتے اجر میڈے کولھ ہے۔

مُکاشفہ 6:8

جِیں ویلے مَیں نِگاہ کیتی تاں ڈِٹھا جو ہِک گھوڑا ہے جِیندا رنگ پِیلا جِیہا ہا تے جیندے سوار دا ناں موت ہے۔ اُوندے پِچُھوں پِچُھوں عالم ِ ارواح ہئی۔ اُونکُوں زمین دے چوتھے حصہ اُتے اِختیار ڈِتا گِیا جو تلوار، کال، وبا تے زمین دے جنگلی جانوراں دے ذریعے لوکاں کُوں مارے۔