مُکاشفہ 19:11 - کِتاب مُقدّس سرائیکی ترجمہ

¹¹ وَل مَیں اسمان کُوں کُھلیا ڈِٹھا تے میکُوں ہِک چِٹا گھوڑا نظر آیا جِیندا سوار وفادار تے سچا اکھویندے تے اِنصاف نال عدالت تے جنگ کریندے۔

مُکاشفہ 19:11 Iomraidhean Croise

یُوحنّا 1:51

وَل اُونکُوں آکھیا، ”مَیں تُہاکُوں سچ آدھا ہاں جو تُساں اسمان کُوں کُھلا تے خُدا دے فرشتیاں کُوں اُتے ویندے تے اِبنِ آدم اُتے لہندے ڈیکھسو۔“

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 19:19

وَل مَیں حیوان کُوں زمین دے بادشاہاں تے اُنہاں دیاں فوجاں کُوں اُوں گھوڑے دے سوار تے اُوندے لشکر نال جنگ کرݨ کیتے جمع تھیندے ڈِٹھا۔

مُکاشفہ 19:21

تے باقی لوک اُوندی تلوار نال ہلاک تھی گئے جیہڑی گھوڑے دے سوار دے مُنہ کنُوں نِکلدی ہئی۔ تے سارے پکھی اُنہاں دا گوشت کھا کھا تے رَج گئے۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو

مُکاشفہ 4:1

اِنہاں گالھیں دے بعد مَیں نِگاہ چاتی تاں اسمان ءچ ہِک دروازہ کُھلیا ہویا ڈِٹھا تے اُوں نرسِنگے جیہی اواز کُوں جئیں پہلے میڈے نال گالھ کیتی ہئی، ایہ اکھیندے ہوئے سُنڑیا جو ”اِتھاں اُتاں آ وَنج۔ مَیں تیکُوں او گالھیں ڈِکھیساں، جِنہاں دا اِیندے بعد تھیوݨ ضرور ہے۔“

مُکاشفہ 6:2

تے مَیں نِگاہ کیتی تاں چِٹا گھوڑا ڈِٹھا جیندے اُتے سوار دے ہتھ ءچ کمان ہئی۔ اُونکُوں تاج ڈِتا گِیا تے او فتح کریندا ہویا نِکلیا تاں جو بِیا وی فتح کرے۔