مُکاشفہ 19:10 - کِتاب مُقدّس سرائیکی ترجمہ

¹⁰ وَل مَیں اُونکُوں سجدہ کرݨ کیتے اُوندے پیراں ءچ ڈھے پِیا پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال تے تیڈے بِھرانواں نال جیہڑے یسُوع دی گواہی ڈیوݨ اُتے قائم ہِن، خدمت کرݨ آلا ہاں۔ خُدا ای کُوں سجدہ کر کیوں جو یسُوع دی گواہی ڈیوݨ نبُوّت دی رُوح ہے۔“

مُکاشفہ 19:10 Iomraidhean Croise

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

مرقس 5:22

وَل مقامی عبادت خانہ دا ہِک سردار جِیندا ناں یائِیر ہا، اُتھاں آیا۔ او یسُوع کُوں ڈیکھ تے اُوندے پیراں ءچ ڈھے پِیا

مرقس 7:25

بلکہ فوراً ہِک تریمت جیندی چھوٹی دِھی ءچ بدرُوح ہئی، یسُوع دے بارے ءچ سُنڑ تے آئی تے اُوندے پیراں ءچ ڈھے پئی۔

لُوقا 1:19

فرشتہ جواب ڈِتا، ”مَیں جبرائیل ہاں جیہڑا خُدا دے حضُور کھڑا راہندا ہاں، تے اِیں واسطے بھیجیا گِیا ہاں جو تیڈے نال کلام کراں تے تیکُوں اِنہاں گالھیں دی خوشخبری سُنڑاواں۔

لُوقا 24:44

وَل اُوں اُنہاں کُوں آکھیا، ”جِیں ویلے مَیں تُہاڈے نال ہم تاں تُہاکُوں ایہ گالھیں ڈسا ڈِتیاں ہَن جو مُوسیٰ دی توریت، نبیاں دے صحیفیاں تے زبُور ءچ میڈے بارے جیہڑا کُجھ لِکھیا ہے، اُنہاں دا پُورا تھیوݨ ضرور ہے۔“

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

اعمال 10:43

سارے نبی اِیں بندے دے بارے ءچ گواہی ڈیندن جو جیہڑا کوئی اُوندے اُتے اِیمان گِھن آسی، اُوندے ناں نال گُناہاں تُوں معافی پیسی۔“

اعمال 13:27

کیوں جو یروشلیم دے راہنڑ آلیاں تے اُوندے سرداراں یسُوع کُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سبت کُوں سُنڑائیاں ویندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پُورا کیتا۔

2کُرِنتھِیوں 8:7

بس جِینویں تُساں ہر گالھ ءچ یعنی اِیمان، کلام، علم، جوش تے ساڈے نال محبت ءچ ودھدے ویندے ہیوے، اُونویں ای اِیں خیرات دے کم ءچ وی اگُوں ودھدے ونجو۔

اِفِسیوں 5:15

بس غور نال ڈیکھو جو تُساں کِینویں زندگی گُزریندے ہیوے، بے سمجھاں وانگُوں نئیں بلکہ سمجھداراں وانگُوں زندگی گُزارو۔

اِفِسیوں 5:33

بہرحال تُہاڈے ءچوں ہر پئے کُوں چاہیدے جو او آپنڑی ذال نال آپنڑے وانگُوں محبت رکھے تے ذال کُوں وی چاہیدے جو او آپنڑے پئے دی عزت کرے۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

1تھِسّلُنیکیوں 5:15

خبردار! کوئی بندہ کہیں نال بدی دے بدلے بدی نہ کرے بلکہ ہر حال ءچ آپس ءچ تے سبھ لوکاں نال نیکی کرݨ دی کوشش ءچ راہو۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

عبرانیوں 12:25

خبردار! آپنڑے نال کلام کرݨ آلے دا اِنکار نہ کرائے کیوں جو جِیں ویلے بنی اِسرائیل زمین اُتے ہدایت کرݨ آلے دا اِنکار کر تے بچ نہ سگے تاں جے اساں اسمان کنُوں ہدایت کرݨ آلے دا اِنکار کریسوں تاں کِینویں بچ سگسوں؟

1 یُوحنّا 5:10

جیہڑا خُدا دے پوتر اُتے اِیمان رکھیندے، او آپنڑے آپ ءچ اِیہو گواہی رکھیندے۔ جئیں خُدا اُتے یقین نئیں رکھیا، اُوں خُدا کُوں کُوڑا آکھیا کیوں جو او اُوں گواہی اُتے اِیمان نئیں رکھیندا جیہڑی خُدا آپنڑے پوتر دے حق ءچ ڈِتی ہے۔

1 یُوحنّا 5:21

بالو! آپنڑے آپ کُوں بُتاں کنُوں بچائی رکھو۔

مُکاشفہ 1:1

ایہ یسُوع مسیح دا مُکاشفہ ہے جیہڑا اُونکُوں خُدا اِیں واسطے ڈِتا جو او آپنڑے بندیاں کُوں او گالھیں ڈِکھاوے جِنہاں دا جلدی تھیوݨ ضرور ہے۔ اُوں آپنڑے فرشتہ کُوں بھیج تے ایہ گالھیں آپنڑے بندہ یُوحنّا اُتے ظاہر کیتیاں،

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

مُکاشفہ 12:11

او لوک لیلے دے خون تے آپنڑی گواہی ڈیوݨ دے سببّوں اُوندے اُتے غالب آئے، اُنہاں آپنڑیاں زندگیاں کُوں عزیز نہ سمجھیا، اِتُھوں تئیں جو موت کُوں گَل لا گِھدا۔

مُکاشفہ 12:17

وَل اژدہے کُوں عورت اُتے بہُوں کاوڑ آئی تے او اُوندے باقی بالاں نال یعنی اُنہاں نال جیہڑے خُدا دے حُکماں اُتے عمل کریندے ہِن تے یسُوع دی گواہی ڈیوݨ اُتے قائم ہِن، جنگ کرݨ گِیا۔

مُکاشفہ 14:7

اُوں اُچی اواز ءچ آکھیا جو ”خُدا کنُوں ڈرو تے اُوندی تمجید کرو کیوں جو اُوندے عدالت کرݨ دا ویلا آݨ پُجیا ہے۔ اُونکُوں ای سجدہ کرو جئیں اسمان، زمین، سمندر تے پانڑی دے چشمے خلق کیتے۔“

مُکاشفہ 15:4

اے خُداوند! کوݨ تیڈا خوف نہ منیسی تے کوݨ تیڈے ناں دی تمجید نہ کریسی؟ کیوں جو صرف تُوں ای قدُّوس ہیں۔ ساریاں قوماں آ تے تیڈے سامنڑے سجدہ کریسن کیوں جو تیڈے صداقت دے کم ظاہر تھی گئے ہِن۔“

مُکاشفہ 19:9

وَل اُوں فرشتے میکُوں آکھیا جو ”لِکھ، ’مُبارک ہِن او جیہڑے لیلے دی شادی دی دعوت ءچ سڈے گئے ہِن‘۔“ اُوں مزید آکھیا جو ”ایہ خُدا دے سچے گالھیں ہِن۔“

مُکاشفہ 4:10

تاں او چوِّیہہ بزُرگ اُوندے اگُوں ڈھے پوندے ہِن جیہڑا تخت اُتے بیٹھے تے اُونکُوں جیہڑا ہمیشاں تئیں زندہ ہے سجدہ کریندے ہِن۔ او آپنڑے تاج اُوں تخت دے سامنڑے رکھ تے ایہ آدھے ہِن جو