مُکاشفہ 18:8 - کِتاب مُقدّس سرائیکی ترجمہ

⁸ اِیں واسطے ہِکو ڈینہہ ءچ آفتاں یعنی موت، ماتم تے کال اُونکُوں آن پکڑیسن او بھاہ ءچ سڑ تے سواہ تھی ویسی کیوں جو اُوندی عدالت کرݨ آلا خُداوند خُدا قُدرت آلا ہے۔“

مُکاشفہ 18:8 Iomraidhean Croise

1کُرِنتھِیوں 10:22

کیا اساں اِینویں کرݨ نال خُداوند دے قہر کُوں نئیں بھڑکیندے؟ کیا اساں اُوں کنُوں زیادہ زورآور ہیں؟

مُکاشفہ 11:17

تے آکھیا جو ”اے خُداوند، قادر ِ مُطلق خُدا، تُوں جیہڑا ہیں تے ہَویں اساں تیڈا شُکر کریندے ہیں کیوں جو تَیں آپنڑے عظیم اِختیار کُوں اِستعمال کر تے بادشاہی کیتی۔

مُکاشفہ 17:16

او حیوان تے ڈاہ سینگ جِنہاں کُوں تَیں ڈِٹھے، اُوں طوائف کنُوں نفرت کریسن تے اُونکُوں تباہ کر تے ننگا کر ڈیسن۔ او اُوندا گوشت کھا گِھنسن تے اُونکُوں بھاہ ءچ سَٹ تے ساڑ ڈیسن۔

مُکاشفہ 17:18

تے جئیں عورت کُوں تَیں ڈِٹھے، او اُوہو عظیم شہر ہے جیہڑا زمین دے بادشاہاں اُتے حکُومت کریندے۔“

مُکاشفہ 18:17

صرف ہِک گھنٹے ءچ اُوندی اِتنی وڈی دولت برباد تھی گئی“ تے بحری جہازاں دے سارے کپتان، مسافر، جہاز چلاوݨ آلے تے جتنے وی سمندر دے ذریعے تجارت کریندے ہَن، دُور کھڑے تھی ویسن۔

مُکاشفہ 18:19

او آپنڑے سِراں اُتے مِٹی سٹیسن تے رو رو تے ماتم کریسن تے چیخ تے اکھیسن ”افسوس! افسوس! عظیم شہر، جیندی دولت دے سببّوں سبھ بحری جہازاں آلے مالدار تھی گئے ہَن، صرف ہِک گھنٹے ءچ او تباہ کر ڈِتا گئے۔“

مُکاشفہ 19:3

تے اُنہاں ہِک پھیری ولا اُچی اواز ءچ آکھیا ”ہلّلُویاہ! اُوں طوائف دے سڑن دا دُھوواں ہمیشاں تئیں اُٹھدا راہسی۔“