مُکاشفہ 18:3 - کِتاب مُقدّس سرائیکی ترجمہ

³ کیوں جو ساریاں قوماں اُوندی حرام کاری تے مستی دی شراب پی تے ڈھے پئیاں ہِن۔ زمین دے بادشاہاں اُوندے نال زِنا کیتا، دُنیا دے تاجر اُوندی بے حد عیاشی تُوں دولت مند تھی گئے۔“

مُکاشفہ 18:3 Iomraidhean Croise

لُوقا 7:25

تاں وَل کیا ڈیکھنڑ گئے ہَوے؟ کیا نفِیس کپڑے پاتے ہوئے بندے کُوں؟ ڈیکھو جیہڑے نفِیس کپڑے پیندے ہِن تے عیش و عشرت کریندے ہِن، او شاہی محلاں ءچ راہندے ہِن۔

1 تِیمُتھِیُس 5:11

پر جوان بیوہ عورتاں دے ناں نہ لِکھے ونجنڑ کیوں جو جڈاں اُنہاں دیاں نفسانی خواہشاں اُنہاں اُتے غالب آ ویندیاں ہِن تاں او مسیح تُوں دُور تھی تے ولا شادی کرݨ چاہندیاں ہِن،

مُکاشفہ 14:8

اُوندے بعد ہِک ڈُوجھا فرشتہ ایہ آدھا ہویا آیا جو ”ڈھے پِیا، او عظیم شہر بابل ڈھے پِیا جئیں آپنڑی حرام کاری تے مستی دا شراب ساریاں قوماں کُوں پِلائی۔“

مُکاشفہ 17:2

زمین دے بادشاہاں اُوندے نال زِنا کیتا تے زمین دے راہنڑ آلے اُوندی حرام کاری دی شراب نال دُھت تھی گئے۔“

مُکاشفہ 18:19

او آپنڑے سِراں اُتے مِٹی سٹیسن تے رو رو تے ماتم کریسن تے چیخ تے اکھیسن ”افسوس! افسوس! عظیم شہر، جیندی دولت دے سببّوں سبھ بحری جہازاں آلے مالدار تھی گئے ہَن، صرف ہِک گھنٹے ءچ او تباہ کر ڈِتا گئے۔“

مُکاشفہ 18:23

چراغ دی روشنی ولا کڈھائیں تیڈے ءچ نہ چمکسی گھوٹ تے کُنوار دیاں اوازاں کڈھائیں تیڈے ءچ سُنڑائی نہ ڈیسن کیوں جو تیڈے تاجر دُنیا دے وڈے وڈے لوک ہَن تے تیڈی جادُوگری نال ساریاں قوماں گُمراہ تھی گئیاں۔

مُکاشفہ 18:7

جِتنی شان تے عیاشی نال اُوں زندگی گُزاری، اُتنے ای عذاب تے غم ءچ اُونکُوں سَٹ ڈیؤ کیوں جو او آپنڑے دل ءچ آدھی ہے جو ’مَیں تخت اُتے ملکہ بنڑی بیٹھی ہاں کوئی بیوہ تاں نئیں تھی گئی مَیں کڈھائیں ماتم نہ کریساں۔‘

مُکاشفہ 18:9

جِیں ویلے ساری زمین دے بادشاہ، جِنہاں اُوندے نال زِنا کیتا تے اُوندی عیاشی ءچ شریک تھئے، اُوندے سڑن دا دُھوواں ڈیکھسن تاں اُوندے کیتے روسن تے ماتم کریسن،