مُکاشفہ 18:24 - کِتاب مُقدّس سرائیکی ترجمہ

²⁴ تے اُوں شہر ءچوں نبیاں تے مُقدّساں دا خون مِلیا بلکہ سبھ لوکاں دا خون جیہڑے زمین اُتے قتل کیتے گئے ہَن۔“

مُکاشفہ 18:24 Iomraidhean Croise

متّی 23:27

منافق شریعت دے عالمو تے فریسیو، تُہاڈے اُتے افسوس۔ تُساں سفیدی تھئی ہوئی قبراں وانگُوں ہیوے جیہڑیاں باہر کنُوں تاں سوہنڑیاں نظر آندیاں ہِن پر اندرُوں مُردیاں دیاں ہڈیاں تے ہر طرحاں دی پلیدگی کنُوں بھریاں ہِن۔

متّی 23:35

اِینویں سارے نیک لوکاں دا خون جیہڑا زمین اُتے وہایا گِیا ہا، تُہاڈے اُتے آسی، راستباز ہابل دے خون تُوں گِھن تے برکیاہ دے پوتر زکریاہ دے خون تئیں جِینکُوں تُساں ہیکل تے قُربان گاہ دے وچال قتل کیتا۔

اعمال 7:52

نبیاں ءچوں کِینکُوں تُہاڈے پِیُو ڈاڈا نئیں ستایا؟ اُنہاں تاں اُوں راستباز [یعنی المسیح] دے آوݨ دی خبر ڈیوݨ آلے کُوں قتل کر ڈِتا تے ہُنڑ تُساں اُوندے پکڑواوݨ آلے تے قاتل تھئے۔

1تھِسّلُنیکیوں 2:15

یہُودیاں خُداوند یسُوع کُوں تے نبیاں کُوں وی مار سٹیا تے ساکُوں وی بہُوں ستایا۔ او لوک خُدا کُوں پسند نئیں، تے سارے لوکاں دے دُشمنڑ ہِن،

مُکاشفہ 11:7

جِیں ویلے او آپنڑی گواہی ڈے ڈیسن تاں بے تَل کھڈے کنُوں نِکلنڑ آلا حیوان اُنہاں اُتے حملہ کریسی تے اُنہاں اُتے غالب آ تے اُنہاں کُوں مار سٹیسی۔

مُکاشفہ 16:6

کیوں جو اُنہاں تیڈے مُقدّساں تے نبیاں دا خون وہایا تے تَیں اُنہاں کُوں پِیوݨ کیتے خون ای ڈِتا۔ او اِیندے ای لائق ہِن۔“

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

مُکاشفہ 19:2

کیوں جو اُوندے فیصلے سچے تے راست ہِن۔ اُوں وڈی طوائف اُتے اُوں سزا دا حُکم کیتا جئیں آپنڑی حرام کاری نال دُنیا کُوں خراب کر ڈِتا ہا۔ خُدا اُوں کنُوں آپنڑے بندیاں دے خون دا بدلہ گِھن گِھدے۔“