مُکاشفہ 18:1 - کِتاب مُقدّس سرائیکی ترجمہ

¹ اِیندے بعد مَیں ہِک بئے فرشتہ کُوں اسمان کنُوں لہندے ڈِٹھا۔ او وڈے اِختیار آلا ہا تے اُوندے نُور کنُوں ساری زمین روشن تھی گئی۔

مُکاشفہ 18:1 Iomraidhean Croise

لُوقا 17:24

کیوں جو جِینویں بجلی دِرک تے اسمان کُوں ہِک پاسے کنُوں گِھن تے ڈُوجھے پاسے تئیں روشن کر ڈیندی ہے، اِینویں ای اِبنِ آدم آپنڑے آوݨ دے ڈینہہ ءچ ظاہر تھیسی۔

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

مُکاشفہ 10:1

وَل مَیں ہِک بئے زور آور فرشتے کُوں ڈِٹھا جیہڑا اسمان کنُوں لہندا پِیا ہا۔ او بدّل کُوں ولھیٹی پِیا ہا تے اُوندے سر اُتے کمان ہئی۔ اُوندا چہرہ سِجھ وانگُوں ہا تے جنگھاں بھاہ دے تھمبیاں وانگُوں ہَن۔

مُکاشفہ 17:1

اُنہاں سَت فرشتیاں ءچوں ہِک جیندے کولھ سَت مُنگر ہَن، میڈے کولھ آ تے آکھیا جو ”میڈے نال آ۔ مَیں تیکُوں ڈِکھیساں جو اُوں وڈی طوائفکُوں کیا سزا مِلنڑ آلی ہے جیہڑی پانڑیاں اُتے بیٹھی ہے۔

مُکاشفہ 17:7

پر اُوں فرشتے میکُوں آکھیا جو ”تُوں کیوں حیران تھی گِیا ہیں؟ مَیں تیکُوں اُوں عورت دا تے اُوں حیوان دا راز ڈسیندا ہاں، جیندے اُتے او سوار ہے تے جیندے سَت سر تے ڈاہ سینگ ہِن۔

مُکاشفہ 21:23

او شہر سِجھ تے چَن دا مُتھاج نئیں، کیوں جو او خُدا دے نُور نال روشن ہے تے لیلا اُوندا چراغ ہے۔