مُکاشفہ 16:9 - کِتاب مُقدّس سرائیکی ترجمہ

⁹ لوک گرمی دی شِدت پارُوں سڑ گئے تے خُدا دے ناں دی توہین کرݨ لگے، جیہڑا اِنہاں آفتاں اُتے اِختیار رکھیندے۔ اُنہاں توبہ کرݨ تے خُدا دی تعریف کرݨ تُوں اِنکار کر ڈِتا۔

مُکاشفہ 16:9 Iomraidhean Croise

لُوقا 13:3

مَیں تُہاکُوں آدھا ہاں جو نئیں! بلکہ جے تُساں توبہ نہ کریسو تاں سارے اِینویں ای ہلاک تھیسو۔

لُوقا 13:5

مَیں تُہاکُوں آدھا ہاں جو نئیں! بلکہ جے تُساں توبہ نہ کریسو تاں سارے اِینویں ای ہلاک تھیسو۔“

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

مُکاشفہ 11:13

اُوں ویلے ہِک وڈا زلزلہ آیا تے شہر دا ڈاہواں حصہ ڈھے پِیا۔ سَت ہزار لوک اُوں زلزلے نال مارے گئے تے جیہڑے باقی بچ گئے، اُنہاں دہشت زدہ تھی تے اسمان دے خُدا دی تعریف کیتی۔

مُکاشفہ 14:7

اُوں اُچی اواز ءچ آکھیا جو ”خُدا کنُوں ڈرو تے اُوندی تمجید کرو کیوں جو اُوندے عدالت کرݨ دا ویلا آݨ پُجیا ہے۔ اُونکُوں ای سجدہ کرو جئیں اسمان، زمین، سمندر تے پانڑی دے چشمے خلق کیتے۔“

مُکاشفہ 16:21

تے اسمان کنُوں لوکاں اُتے مَنڑ مَنڑ دے ننڑاوے ڈھٹھے۔ ایہ آفت بہُوں ای سخت ہئی، اِیں واسطے لوک ننڑاوے ڈھاوݨ دی آفت دی وجہ کنُوں خُدا دے ناں دی توہین کرݨ لگے۔

مُکاشفہ 2:21

مَیں اُونکُوں مُہلت ڈِتی ہے جو او آپنڑی بدکرداری تُوں توبہ کرے پر او توبہ کرݨ نئیں چاہندی۔

مُکاشفہ 9:20

باقی لوکاں جیہڑے اِنہاں آفتاں کنُوں نہ مرے، آپنڑے ہتھاں دے کماں کنُوں توبہ نہ کیتی۔ او اُنہاں بدرُوحاں دی تے سونے، چاندی، پِتّل تے لکڑ دے بنڑے ہوئے بُتاں دی عبادت کرݨ تُوں باز نہ آئے جیہڑے نہ تاں ڈیکھ سگدے ہِن، نہ سُنڑ سگدے ہِن تے نہ ٹُر سگدے ہِن۔