مُکاشفہ 14:13 - کِتاب مُقدّس سرائیکی ترجمہ

¹³ وَل مَیں اسمان کنُوں ہِک اواز کُوں ایہ آدھے ہوئے سُنڑیا، ”لِکھ! مُبارک ہِن او جیہڑے ہُنڑ کنُوں خُداوند ءچ مردے ہِن۔“ رُوح القُدس فرمیندے، ”ہا! او آپنڑی محنت تُوں چُھٹ تے ارام پیسن کیوں جو اُنہاں دے اعمال اُنہاں دے پِچُھوں پِچُھوں آ تے اُنہاں دے نال راہسن۔“

مُکاشفہ 14:13 Iomraidhean Croise

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

لُوقا 16:25

ابرہام آکھیا، ’پوتر، یاد کر جو تُوں آپنڑی زندگی ءچ چنگیاں چیزاں گِھن گِھدیاں تے اِینویں ای لعزر بُریاں چیزاں۔ پر ہُنڑ او اِتھاں ارام ءچ ہے تے تُوں عذاب ءچ۔

لُوقا 16:9

مَیں تُہاکُوں آدھا ہاں جو دُنیا دی کمائی نال آپنڑے کیتے دوست بنڑاؤ، تاں جو جِیں ویلے او ویندی راہوے تاں او تُہاکُوں ابدی گھراں ءچ جاہ ڈیوݨ۔

رومیوں 14:8

جے اساں زندہ ہیں تاں خُداوند دی خاطر زندہ ہیں، تے جے مردے ہیں تاں خُداوند دی خاطر مردے ہیں، اِیں واسطے بھانویں اساں زندہ راہوں یا مرُوں، اساں خُداوند ای دے ہیں۔

1کُرِنتھِیوں 15:18

بلکہ جیہڑے مسیح اُتے اِیمان رکھیندے ہوئے سَم گئے ہِن او وی ہلاک تھئے۔

1کُرِنتھِیوں 15:20

پر حقیقت تاں ایہ ہے جو مسیح مُردیاں ءچوں زندہ تھی گئے تے او مُردیاں ءچوں زندہ تھیوݨ آلیاں ءچوں پہلا پھل ہے۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

2کُرِنتھِیوں 5:8

ہا، ساکُوں حوصلہ ہے تے ایہ بدن چھوڑ تے خُداوند دے گھر ءچ راہونڑا ساکُوں زیادہ منظور ہے۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

1تھِسّلُنیکیوں 4:14

کیوں جو جڈاں ساکُوں یقین ہے جو یسُوع مر گِیا تے ولا زندہ تھی گِیا، تاں ساکُوں اِیندا وی یقین ہے جو خُدا اُنہاں کُوں وی جیہڑے مسیحی ہوندے ہوئے سَم گئے ہِن، یسُوع نال ولا گِھن آسی۔

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

1 تِیمُتھِیُس 5:24

کُجھ لوکاں دے گُناہ اُنہاں دے عدالت ءچ حاضر تھیوݨ کنُوں پہلے ای ظاہر تھی ویندے ہِن تے کُجھ دے بعد ءچ۔

1 تِیمُتھِیُس 5:25

اِینویں ای کُجھ نیک کم صاف نظر آندے ہِن تے جیہڑے صاف نظر نئیں آندے او لُکے نئیں رہ سگدے۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

مُکاشفہ 10:4

اُنہاں گجکار دیاں آوازاں کُوں سُنڑ تے مَیں لِکھنڑ لگا ہم جو اسمان کنُوں ہِک اواز ایہ آدھے ہوئے سُنڑی جو، ”جیہڑا کُجھ گجکار دیاں سَت آوازاں آکھیا ہے اُونکُوں راز ءچ رکھ، تے نہ لِکھ۔“

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 16:17

وَل ستویں فرشتے آپنڑا مُنگر ہوا اُتے وِیٹ ڈِتا تے ہیکل دے تخت ءچوں ہِک وڈی اواز ایہ آدھی ہوئی سُنڑائی ڈِتی جو ”پُورا تھی گِیا!“

مُکاشفہ 19:9

وَل اُوں فرشتے میکُوں آکھیا جو ”لِکھ، ’مُبارک ہِن او جیہڑے لیلے دی شادی دی دعوت ءچ سڈے گئے ہِن‘۔“ اُوں مزید آکھیا جو ”ایہ خُدا دے سچے گالھیں ہِن۔“

مُکاشفہ 2:1

اِفِسُس دی کلیسیا دے فرشتہ کُوں ایہ لِکھ جو جیہڑا آپنڑے سجے ہتھ ءچ سَت تارے گِھدی کھڑے تے سونے دے سَت چراغ داناں دے وچال پِھردے، او فرمیندے جو

مُکاشفہ 2:7

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں زندگی دے اُوں درخت دا پھل کھاوݨ کیتے ڈیساں جیہڑا خُدا دے فِردوس ءچ ہے۔“

مُکاشفہ 20:6

مُبارک تے مُقدّس ہِن او لوک جیہڑے پہلی قیامت ءچ شریک ہِن۔ اُنہاں اُتے ڈُوجھی موت دا کوئی اِختیار نئیں بلکہ او خُدا تے مسیح دے کاہِن ہوسن تے ہزار سال تئیں اُوندے نال بادشاہی کریندے راہسن۔

مُکاشفہ 21:5

وَل اُوں جیہڑا تخت اُتے بیٹھا ہا آکھیا، ”ڈیکھ مَیں ساریاں چیزاں کُوں نواں بنڑیندا پِیا ہاں۔“ وَل آکھیا جو ”لِکھ کیوں جو ایہ گالھیں اعتماد دے لائق تے سچے ہِن۔“

مُکاشفہ 22:17

رُوح تے کُنوار آدھی ہے، ”آ“ تے او وی جیہڑا سُنڑدا ہے، آکھے، ”آ۔“ جیہڑا ترِسّا ہووے تے جیہڑا زندگی دا پانڑی چاہوے او اُونکُوں مُفت ءچ گِھن گِھنے۔

مُکاشفہ 6:11

وَل اُنہاں ءچوں ہر ہِک کُوں چِٹے کپڑے ڈِتے گئے تے اُنہاں کُوں آکھیا گِیا جو ”تھوڑی دیر بِیا اِنتظار کرو تاں جو تُہاڈے ہم خدمت بِھرانواں دا وی شمار پُورا تھی ونجے جیہڑے تُہاڈے آلی کار قتل کیتے ونجنڑ آلے ہِن۔“