مُکاشفہ 13:18 - کِتاب مُقدّس سرائیکی ترجمہ

¹⁸ اِیں گالھ کُوں سمجھنڑ کیتے حِکمت دی لوڑ ہے۔ جیہڑا سمجھدار ہے، او اِیں حیوان دے عدد دا حساب کر گِھنے کیوں جو ایہ ہِک بندے دا عدد ہے تے اُوندا عدد چِھی سو چِھیئیٹھ (666) ہے۔

مُکاشفہ 13:18 Iomraidhean Croise

مرقس 13:14

بس جِیں ویلے تُساں اُوں اُجاڑن آلی مکرُوہ شے کُوں اُوں جاہ کھڑا ڈیکھو، جِتھاں اُوندا کھڑا تھیوݨ جائز نئیں، (پڑھن آلا سمجھ گِھنے) اُوں ویلے جیہڑے یہُودیہ ءچ ہووݨ او پہاڑاں اُتے بھج ونجنڑ۔

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

مُکاشفہ 1:3

مُبارک ہے او جیہڑا اِیں نبُوّت دے کلام دی تلاوت کریندے تے مُبارک ہِن او جیہڑے سُنڑ تے اِیں نبُوّت ءچ لِکھے ہوئے کلام اُتے عمل کریندے ہِن، کیوں جو وقت نزدیک ہے۔

مُکاشفہ 15:2

وَل مَیں شیشے وانگُوں ہِک سمندر ڈِٹھا جیندے ءچ بھاہ رَلی پئی ہئی۔ اُوں شیشے دے سمندر دے کولھ او لوک کھڑے ہَن جیہڑے حیوان تے اُوندے بُت تے اُوندے ناں دے عدد اُتے غالب آئے ہَن۔ اُنہاں دے ہتھاں ءچ خُدا دے ڈِتے ہوئے سِتار ہَن۔

مُکاشفہ 17:9

اِیں گالھ کُوں سمجھنڑ کیتے حِکمت دی لوڑ ہے، او ستّے سر سَت پہاڑ ہِن جِنہاں اُتے او عورت بیٹھی ہے۔

مُکاشفہ 21:17

وَل اُوں چاردیواری کُوں اِنسانی ناپ دے مطابق ناپیا تاں او ہِک سو چوتالیہہ (144) ہتھ ہئی، جیہڑا فرشتے اِستعمال کیتا۔