مُکاشفہ 13:17 - کِتاب مُقدّس سرائیکی ترجمہ

¹⁷ تے صرف او لوک جِنہاں اُتے پہلے حیوان دا نشان یعنی اُوندا ناں یا اُوندے ناں دا عدد ہوسی، خرید و فروخت کر سگسن۔

مُکاشفہ 13:17 Iomraidhean Croise

گلتِیوں 6:17

میڈے بدن اُتے زخماں دے داغ ایہ ظاہر کریندے ہِن جو مَیں یسُوع دا بندہ ہاں، اِیں واسطے کوئی میکُوں اگُوں تُوں تکلیف نہ ڈیوے۔

مُکاشفہ 13:16

چھوٹیاں، وڈیاں، امیر، غریب، ازاد، غُلام بلکہ سبھ لوکاں کُوں ڈُوجھے حیوان مجبور کیتا جو او سجے ہتھ اُتے یا متھے اُتے نشان لواوݨ۔

مُکاشفہ 13:18

اِیں گالھ کُوں سمجھنڑ کیتے حِکمت دی لوڑ ہے۔ جیہڑا سمجھدار ہے، او اِیں حیوان دے عدد دا حساب کر گِھنے کیوں جو ایہ ہِک بندے دا عدد ہے تے اُوندا عدد چِھی سو چِھیئیٹھ (666) ہے۔

مُکاشفہ 14:11

ایجھے لوکاں دے عذاب دا دُھواں ہمیشاں تئیں اُٹھدا راہسی۔ جیہڑے حیوان تے اُوندے بُت دی عبادت کریندے ہِن تے اُوندے ناں دا نشان لیندے ہِن اُنہاں کُوں ڈینہہ رات ارام نہ مِلسی۔“

مُکاشفہ 14:9

وَل اُوندے بعد تریجھا فرشتہ آیا تے اُچی اواز نال آکھنڑ لگا جو ”جیہڑا کوئی اُوں حیوان تے اُوندے بُت دی عبادت کرے تے اُوندا نشان آپنڑے متھے یا ہتھ اُتے لاوے،

مُکاشفہ 15:2

وَل مَیں شیشے وانگُوں ہِک سمندر ڈِٹھا جیندے ءچ بھاہ رَلی پئی ہئی۔ اُوں شیشے دے سمندر دے کولھ او لوک کھڑے ہَن جیہڑے حیوان تے اُوندے بُت تے اُوندے ناں دے عدد اُتے غالب آئے ہَن۔ اُنہاں دے ہتھاں ءچ خُدا دے ڈِتے ہوئے سِتار ہَن۔

مُکاشفہ 17:5

اُوندے متھے اُتے ایہ راز آلا ناں لِکھیا ہا، ”عظیم شہر بابل، سبھ طوائفاں تے زمین دیاں مکرُوہ چیزاں دی ماء۔“

مُکاشفہ 20:4

وَل مَیں تخت ڈِٹھے جِنہاں اُتے او لوک بیٹھے ہَن جِنہاں کُوں عدالت کرݨ دا اِختیار ڈِتا گِیا ہا۔ تے مَیں اُنہاں لوکاں دیاں رُوحاں ڈِٹھیاں جِنہاں دے سر یسُوع دی گواہی ڈیوݨ تے خُدا دے کلام دی وجہ کنُوں کپ ڈِتے گئے ہَن۔ اُنہاں لوکاں، نہ تاں اُوں حیوان دی تے نہ اُوندے بُت دی عبادت کیتی تے نہ متھے یا ہتھاں اُتے اُوندا نشان لوایا ہا۔ او زندہ تھی گئے تے ہِک ہزار سال تئیں مسیح دے نال بادشاہی کریندے ریہے۔

مُکاشفہ 22:4

او اُوندا مُنہ ڈیکھسن تے اُوندا ناں اُنہاں دے متھیاں اُتے لِکھیا ہوسی۔

مُکاشفہ 3:12

جیہڑا غالب آسی، مَیں اُونکُوں آپنڑے خُدا دی ہیکل ءچ ہِک تھمبا بنڑا ڈیساں۔ او ہمیشاں تئیں اُتھاں راہسی تے مَیں اُوندے اُتے آپنڑے خُدا دا ناں تے آپنڑے خُدا دے شہر دا ناں لِکھساں یعنی نواں یروشلیم جیہڑا میڈے خُدا دی طرفوں اسمان کنُوں لہوݨ آلا ہے۔ تے مَیں اُوندے اُتے آپنڑا نواں ناں وی لِکھساں۔

مُکاشفہ 7:3

”جِیں ویلے تئیں اساں آپنڑے خُدا دے بندیاں دے متھیاں اُتے مُہر نہ لا گِھنوں، زمین تے سمندر تے درختاں کُوں نُقصان نہ پُچائے۔“