مُکاشفہ 13:1 - کِتاب مُقدّس سرائیکی ترجمہ

¹ وَل مَیں ہِک حیوان کُوں سمندر ءچوں نِکلدے ڈِٹھا۔ اُوندے ڈاہ سینگ تے سَت سر ہَن تے سینگاں اُتے ڈاہ تاج ہَن۔ اُوندے ہر سر اُتے کُفر دے ناں لِکھے ہَن۔

مُکاشفہ 13:1 Iomraidhean Croise

مُکاشفہ 11:7

جِیں ویلے او آپنڑی گواہی ڈے ڈیسن تاں بے تَل کھڈے کنُوں نِکلنڑ آلا حیوان اُنہاں اُتے حملہ کریسی تے اُنہاں اُتے غالب آ تے اُنہاں کُوں مار سٹیسی۔

مُکاشفہ 12:3

وَل اسمان اُتے ہِک بِیا نشان ڈِکھالی ڈِتا یعنی ہِک بہُوں وڈا لال اژدہا جیندے سَت سر تے ڈاہ سینگ ہَن تے ہر ہِک سر اُتے ہِک تاج ہا۔

مُکاشفہ 13:11

وَل مَیں ہِک بئے حیوان کُوں زمین ءچوں نِکلدے ڈِٹھا۔ اُوندے ڈُو سینگ ہَن جیہڑے ہِک لیلے دے سینگاں وانگُوں ہَن، پر اژدہے وانگُوں بُولیندا ہا۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

مُکاشفہ 13:15

اُونکُوں پہلے حیوان دے بُت ءچ دم پُھونکنڑ دا اِختیار ڈِتا گِیا تاں جو حیوان دا بُت بول سگے تے جیہڑے اُوں بُت کُوں سجدہ کرݨ دا اِنکار کرݨ، اُنہاں کُوں قتل کروا چھوڑے۔

مُکاشفہ 15:2

وَل مَیں شیشے وانگُوں ہِک سمندر ڈِٹھا جیندے ءچ بھاہ رَلی پئی ہئی۔ اُوں شیشے دے سمندر دے کولھ او لوک کھڑے ہَن جیہڑے حیوان تے اُوندے بُت تے اُوندے ناں دے عدد اُتے غالب آئے ہَن۔ اُنہاں دے ہتھاں ءچ خُدا دے ڈِتے ہوئے سِتار ہَن۔

مُکاشفہ 16:13

وَل مَیں اژدہے دے مُنہ کنُوں تے حیوان دے مُنہ کنُوں تے کُوڑے نبی دے مُنہ کنُوں ڈیڈراں دی شکل وانگُوں ترے ناپاک رُوحاں کُوں نِکلدے ڈِٹھا۔

مُکاشفہ 17:16

او حیوان تے ڈاہ سینگ جِنہاں کُوں تَیں ڈِٹھے، اُوں طوائف کنُوں نفرت کریسن تے اُونکُوں تباہ کر تے ننگا کر ڈیسن۔ او اُوندا گوشت کھا گِھنسن تے اُونکُوں بھاہ ءچ سَٹ تے ساڑ ڈیسن۔

مُکاشفہ 17:3

او فرشتہ میکُوں رُوح ءچ بیابان ءچ گِھن گِیا۔ اُتھاں مَیں ہِک عورت کُوں رتّے رنگ آلے ہِک ایجھے حیوان اُتے سوار ڈِٹھا جیندے سَت سر تے ڈاہ سینگ ہَن تے جیندے سارے جِسم اُتے کُفر دے ناں لِکھے ہَن۔

مُکاشفہ 17:5

اُوندے متھے اُتے ایہ راز آلا ناں لِکھیا ہا، ”عظیم شہر بابل، سبھ طوائفاں تے زمین دیاں مکرُوہ چیزاں دی ماء۔“

مُکاشفہ 19:19

وَل مَیں حیوان کُوں زمین دے بادشاہاں تے اُنہاں دیاں فوجاں کُوں اُوں گھوڑے دے سوار تے اُوندے لشکر نال جنگ کرݨ کیتے جمع تھیندے ڈِٹھا۔