مُکاشفہ 12:10 - کِتاب مُقدّس سرائیکی ترجمہ

¹⁰ وَل مَیں اسمان کنُوں ہِک اُچی اواز سُنڑی جیہڑی ایہ آدھی پئی ہئی جو ”ہُنڑ ساڈے خُدا دی نجات، قُدرت تے بادشاہی تے اُوندے مسیح دا اِختیار ظاہر تھئے کیوں جو ساڈے بِھرانواں اُتے اِلزام لاوݨ آلا جیہڑا ڈینہہ رات خُدا دے حضُور اُنہاں اُتے اِلزام لیندا راہندے، تلے سَٹ ڈِتا گئے۔

مُکاشفہ 12:10 Iomraidhean Croise

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

متّی 6:10

تیڈی بادشاہی آوے تیڈی مرضی جِینویں اسمان اُتے پُوری تھیندی ہے زمین اُتے وی تھیوے۔

لُوقا 11:2

اُوں اُنہاں کُوں آکھیا، ”جِیں ویلے دُعا کرو تاں آکھو ’اے باپ، تیڈا ناں پاک منیا ونجے، تیڈی بادشاہی آوے۔

لُوقا 22:31

شمعون! شمعون! ڈیکھ شیطان اِجازت منگی ہے جو تُہاکُوں دانڑیاں وانگُوں پھٹکے،

1کُرِنتھِیوں 5:4

وَل جِیں ویلے تُساں خُداوند یسُوع دے ناں اُتے جمع تھیسو، تے مَیں وی رُوحانی طور تے حاضر ہوساں تے ساڈے خُداوند یسُوع دی قُدرت وی تُہاڈے نال ہوسی،

2کُرِنتھِیوں 12:9

پر اُوں میکُوں آکھیا جو ”میڈا فضل تیڈے کیتے کافی ہے کیوں جو میڈی قُدرت دا اِظہار کمزوری ءچ پُورا تھیندے۔“ اِیں واسطے مَیں وڈی خوشی نال آپنڑی کمزوری اُتے فخر کریساں تاں جو مسیح دی قُدرت میڈے اُتے راہوے۔

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

مُکاشفہ 2:26

جیہڑا غالب آسی تے آخر تئیں میڈی مرضی دے مطابق عمل کریسی، مَیں اُونکُوں قوماں اُتے اِختیار ڈیساں،

مُکاشفہ 7:10

اُچی اواز ءچ آدھی پئی ہئی، ”نجات ساڈے خُدا دی طرفوں، جیہڑا تخت اُتے بیٹھے، تے لیلے دی طرفوں مِلدی ہے۔“