مُکاشفہ 11:18 - کِتاب مُقدّس سرائیکی ترجمہ

¹⁸ قوماں کاوڑ ءچ آ گئیاں تے تیڈا عذاب نازل تھیّا۔ ہُنڑ ویلا آ گِیا ہے جو مُردیاں دی عدالت کیتی ونجے تے تُوں آپنڑے خدمت گُزار نبیاں تے مُقدّساں کُوں تے چھوٹے وڈیاں کُوں جیہڑے تیڈا خوف منیندے ہِن، اجر بخشیں تے جِنہاں زمین اُتے تباہی مچائی ہئی اُنہاں کُوں تباہ کر ڈِتا ونجے۔“

مُکاشفہ 11:18 Iomraidhean Croise

متّی 5:12

خوش تھیوائے تے جشن منائے کیوں جو اسمان اُتے تُہاکُوں وڈا اجر مِلسی، اِیں واسطے جو لوکاں تُہاڈے تُوں پہلے نبیاں کُوں وی اِینویں ای ستایا ہا۔

لُوقا 1:50

اُوندا رحم اُنہاں اُتے نسل در نسل راہندے جیہڑے اُوں کنُوں ڈردے ہِن۔

عبرانیوں 9:27

تے جِینویں اِنسان دا ہِک پھیری مرݨ تے اُوندے بعد عدالت دا تھیوݨ مقرر ہے،

مُکاشفہ 10:7

بلکہ اُنہاں ڈینہاں ءچ جڈاں ستواں فرشتہ آپنڑا نرسِنگا وجاوݨ آلا ہوسی تاں خُدا دا لُکیا ہویا راز، جِینویں اُوں آپنڑے خدمت گُزار نبیاں کُوں ڈِتا ہا، کُھل تے پُورا تھی ویسی۔“

مُکاشفہ 11:2

پر ہیکل دے باہر آلے صحن کُوں چھوڑ ڈیویں تے اُونکُوں نہ ناپیں کیوں جو او غیر قوماںکُوں ڈے ڈِتا گئے۔ او بِتالیہہ مہینیاں تئیں مُقدّس شہر کُوں لتڑیندے راہسن۔

مُکاشفہ 13:10

”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔

مُکاشفہ 13:16

چھوٹیاں، وڈیاں، امیر، غریب، ازاد، غُلام بلکہ سبھ لوکاں کُوں ڈُوجھے حیوان مجبور کیتا جو او سجے ہتھ اُتے یا متھے اُتے نشان لواوݨ۔

مُکاشفہ 14:10

اُونکُوں وی خُدا دے قہر دی شراب پِیونڑی پوسی جیہڑی بغیر ملاوٹ دے، اُوندے غضب دے پیالہ ءچ بھری گئی ہے۔ تے او پاک فرشتیاں تے لیلے دے سامنڑے بھاہ تے گندھک دے عذاب ءچ مُبتلا راہسی۔

مُکاشفہ 15:1

وَل مَیں اسمان ءچ ہِک بِیا عظیم تے حیران کرݨ آلا نشان ڈِٹھا یعنی سَت فرشتے سَت آفتاں گِھدی کھڑے ہَن۔ ایہ آفتاں آخری ہِن کیوں جو اِنہاں نال خُدا دا قہر ختم تھی ویندے۔

مُکاشفہ 15:7

وَل چار جانداراں ءچوں ہِک، اُنہاں سَت فرشتیاں کُوں سونے دے سَت مُنگر ڈِتے جیہڑے ہمیشاں تئیں زندہ راہنڑ آلے خُدا دے قہر نال بھرے پئے ہَن۔

مُکاشفہ 18:6

جِینویں بابل کیتے، تُساں وی اُوندے نال اُونویں ای کرو۔ اُونکُوں اُوندے کماں دا ڈُونڑا بدلہ ڈیؤ، تے جِتنا پیالہ اُوں بھر تے ڈِتے، تُساں اُوں کنُوں ڈُونڑا بھر تے اُونکُوں ڈیؤ۔

مُکاشفہ 19:15

اُوندے مُنہ ءچوں ہِک تیز تلوار نِکلدی ہے جیندے نال او قوماں کُوں مریسی۔ او لُوہے دے عصا نال اُنہاں اُتے حکُومت کریسی۔ او اُنہاں کُوں قادر ِ مُطلق خُدا دے قہر دے شراب دے حوض ءچ انگُوراں وانگُوں لتاڑ ڈیسی۔

مُکاشفہ 19:18

بادشاہاں، سپہ سالاراں، زور آوراں، گھوڑیاں تے اُنہاں دے سواراں دا گوشت تے ازاد تے غُلام، چھوٹے تے وڈے سبھ آدمیاں دا گوشت کھاؤ۔“

مُکاشفہ 19:5

وَل تخت کنُوں ایہ اواز آئی جو ”خُدا دے بندیو! تُساں جیہڑے اُوندا ڈر رکھیندے ہیوے بھانویں چھوٹے ہیوے یا وڈے، ساڈے خُدا دی حمد کرو۔“

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

مُکاشفہ 22:12

”ڈیکھ، مَیں جلدی آوݨ آلا ہاں۔ تے ہر ہِک دے کم دے مطابق ڈیوݨ کیتے اجر میڈے کولھ ہے۔