مُکاشفہ 1:7 - کِتاب مُقدّس سرائیکی ترجمہ

⁷ ”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 1:7 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 24:30

اُوں ویلے اِبنِ آدم دا نشان اسمان اُتے ظاہر تھیسی، تے دُنیا دیاں سبھ قوماں چھاتی پِٹسن تے اِبنِ آدم کُوں بدلاں اُتے قُدرت تے وڈے جلال نال آندے ڈیکھسن۔

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

مرقس 13:26

اُوں ویلے لوک اِبنِ آدم کُوں بدلاں ءچ وڈی قُدرت تے جلال نال آندا ڈیکھسن۔

مرقس 14:62

یسُوع جواب ڈِتا، ”ہاں مَیں ہاں، تے تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

لُوقا 21:27

اُوں ویلے لوک اِبنِ آدم کُوں قُدرت تے وڈے جلال نال بدل اُتے آندا ڈیکھسن۔

یُوحنّا 19:34

پر اُنہاں ءچوں ہِک سپاہی نیزے نال اُوندی پسلی چھیدی تے فوراً خون تے پانڑی واہنڑ پے گِیا۔

یُوحنّا 19:37

تے خُدا دا کلام ہِک بئی جاہ تے آدھے جو ”جِینکُوں اُنہاں چھیدیا، اُوندے اُتے نِگاہ کریسن۔“

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

1تھِسّلُنیکیوں 4:17

وَل اساں جیہڑے باقی ہیں اُنہاں دے نال بدلاں اُتے چا گِھدے ویسوں تاں جو ہوا ءچ خُداوند دا اِستقبال کرُوں تے اِینویں ہمیشاں اُوندے نال راہسوں۔

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

عبرانیوں 6:6

جے او آپنڑے اِیمان کنُوں پِھر ونجنڑ تاں اُنہاں کُوں ولا کنُوں توبہ دو رجُوع کراوݨ ممکن نئیں۔ کیوں جو آپنڑے اِیں کم نال او خُدا دے پوتر کُوں ڈُوجھی پھیری صلیب اُتے چڑھا تے اعلانیہ ذلیل کریندے ہِن۔

1 یُوحنّا 3:2

عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

یہُوداہ 1:14

حنُوک وی جیہڑا آدم دی ستویں پُشت ءچوں ہا، اِنہاں دے بارے ءچ پیشن گوئی کیتی ہئی جو ”ڈیکھو! خُداوند آپنڑے لکھاں پاک فرشتیاں نال آندا پئے

مُکاشفہ 22:20

اِنہاں گالھیں دی گواہی ڈیوݨ آلا فرمیندے، ”بے شک مَیں جلدی آوݨ آلا ہاں۔“ ”آمین! ہا، اے خُداوند یسُوع آ۔“

مُکاشفہ 22:4

او اُوندا مُنہ ڈیکھسن تے اُوندا ناں اُنہاں دے متھیاں اُتے لِکھیا ہوسی۔