فِلِپّیوں 2:11 - کِتاب مُقدّس سرائیکی ترجمہ

¹¹ تے ہر زبان خُدا باپ دے جلال کیتے اِقرار کرے جو یسُوع مسیح ای خُداوند ہے۔

فِلِپّیوں 2:11 Iomraidhean Croise

متّی 10:32

بس جیہڑا کوئی لوکاں دے سامنڑے میڈا اِقرار کریسی مَیں وی آپنڑے باپ دے سامنڑے جیہڑا اسمان اُتے ہے اُوندا اِقرار کریساں۔

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

یُوحنّا 12:42

وَل وی بہُوں سارے سردار اُوندے اُتے اِیمان تاں گِھن آئے پر فریسیاں دی وجہ کنُوں آپنڑے اِیمان دا اِقرار نہ کریندے ہَن، کِتھائیں اِینویں نہ تھیوے جو او عبادت خانہ ءچوں کڈھ ڈِتے ونجنڑ۔

یُوحنّا 13:13

تُساں میکُوں اُستاد تے مالک آدھے ہیوے تے تُہاڈا آکھنڑ ٹھیک ہے کیوں جو مَیں ہاں۔

یُوحنّا 13:14

بس جِیں ویلے مَیں تُہاڈے اُستاد تے مالک تُہاڈے پیر دھوتے تاں تُہاڈا وی فرض ہے جو ہِک ڈُوجھے دے پیر دھوتا کرو۔

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

یُوحنّا 14:23

یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

یُوحنّا 17:1

یسُوع ایہ سبھ کُجھ آکھ ڈِتا تے آپنڑے اکھیں اسمان دو چا تے آکھیا، ”باپ! ہُنڑ ویلا آ گِیا ہے۔ تُوں آپنڑے پوتر دا جلال ظاہر کر تاں جو پوتر تیڈا جلال ظاہر کرے۔

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

یُوحنّا 9:22

اُوندے ماء پِیُو ایہ یہُودی سرداراں دے ڈر کنُوں آکھیا ہا کیوں جو اُنہاں آپس ءچ فیصلہ کر گِھدا ہا جو جیہڑا کوئی وی اِقرار کریسی جو یسُوع ای المسیح ہے، او عبادت خانہ ءچوں کڈھ ڈِتا ویسی۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

رومیوں 14:11

جِینویں لِکھیا ہے جو ”خُداوند فرمیندا ہے میکُوں آپنڑی حیات دی قَسم میڈے سامنڑے ہر ہِک گوڈا جُھکسی تے ہر ہِک زبان خُدا دا اِقرار کریسی۔“

رومیوں 14:9

کیوں جو مسیح اِیں واسطے مویا تے زندہ تھیّا جو مویاں تے زندیاں ڈوہائیں دا خُداوند ہووے۔

رومیوں 15:9

تے غیریہُودی خُدا دے رحم دی وجہ کنُوں اُوندی تعریف کرݨ۔ جِینویں لِکھیا ہے جو ”اِیں واسطے مَیں غیر قوماں ءچ تیڈا اِقرار کریساں، تے تیڈے ناں دی حمد کریساں۔“

1کُرِنتھِیوں 12:3

اِیں واسطے مَیں تُہاکُوں سمجھاوݨ چاہندا ہاں جو جیہڑا بندہ خُدا دے رُوح القُدس دی ہدایت نال گالھ کریندے، او کڈھائیں وی ”یسُوع اُتے لعنت“ نئیں کر سگدا، تے کوئی وی رُوح القُدس دی ہدایت دے بغیر نئیں آکھ سگدا جو ”یسُوع خُداوند ہے۔“

1کُرِنتھِیوں 15:47

پہلا بندہ زمین دی مِٹی کنُوں بنڑایا گِیا پر ڈُوجھا بندہ اسمان کنُوں آیا۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

1 یُوحنّا 4:2

تُساں خُدا دے رُوح القُدس کُوں اِینویں پچھاݨ سگدے ہیوے جو جیہڑی رُوح ایہ اِقرار کرے جو یسُوع مسیح اِنسانی جسم ءچ آئے، او خُدا دی طرفوں ہے۔

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

مُکاشفہ 3:5

جیہڑا غالب آسی، اُونکُوں اُنہاں آلی کار چِٹے کپڑے پوا ڈِتے ویسن تے مَیں اُوندا ناں کتاب ِ حیات ءچوں کڈھائیں خارج نہ کریساں بلکہ آپنڑے باپ تے اُوندے فرشتیاں دے سامنڑے اُوندے ناں دا اِقرار کریساں۔