فِلِپّیوں 2:10 - کِتاب مُقدّس سرائیکی ترجمہ

¹⁰ تاں جو یسُوع دے ناں اُتے ہر ہِک گوڈا جُھکے، بھانویں او اسمان اُتے ہووے یا زمین اُتے یا زمین دے تلے۔

فِلِپّیوں 2:10 Iomraidhean Croise

متّی 12:40

کیوں جو جِینویں یُوناہ ترے ڈینہہ رات وڈی مچھی دے پیٹ ءچ ریہا اِینویں ای اِبنِ آدم ترے ڈینہہ رات زمین دے اندر راہسی۔

متّی 27:29

وَل کنڈیاں دا تاج بنڑا تے اُوندے سر اُتے رکھیا تے اُوندے سجے ہتھ ءچ ہِک کانا پکڑوا ڈِتا تے اُوندے سامنڑے گوڈے ٹیک تے اُوندا مذاق بنڑاوݨ لگ پئے جو ”یہُودیاں دے بادشاہ! آداب۔“

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

رومیوں 11:4

پر خُدا اُونکُوں جواب ڈِتا، ”مَیں آپنڑے کیتے سَت ہزار بندے بچا گِھدے ہِن جِنہاں بعل دے بُت کُوں سجدہ نئیں کیتا۔“

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

اِفِسیوں 3:14

اِیں واسطے مَیں آپنڑے خُداوند یسُوع المسیح دے باپ دے اگُوں گوڈے ٹیکدا ہاں،

اِفِسیوں 4:9

اُوندے ”اسمان اُتے چڑھن“ دا مطلب ہے جو او پہلے زمین دے تلویں علاقے ءچ لتھا وی ہا۔

عبرانیوں 1:6

تے وَل جِیں ویلے خُدا آپنڑے پلوٹھے کُوں دُنیا ءچ گِھن آندے تاں اکھیندے جو ”خُدا دے سبھ فرشتے اُونکُوں سجدہ کرݨ۔“

مُکاشفہ 20:13

سمندر اُنہاں مُردیاں کُوں جیہڑے اُوندے ءچ ہَن ڈے ڈِتا، تے موت تے عالم ِ ارواح آپنڑے مُردیاں کُوں ڈے ڈِتا۔ تے ہر ہِک دی عدالت اُوندے اعمال دے مطابق کیتی گئی۔

مُکاشفہ 4:10

تاں او چوِّیہہ بزُرگ اُوندے اگُوں ڈھے پوندے ہِن جیہڑا تخت اُتے بیٹھے تے اُونکُوں جیہڑا ہمیشاں تئیں زندہ ہے سجدہ کریندے ہِن۔ او آپنڑے تاج اُوں تخت دے سامنڑے رکھ تے ایہ آدھے ہِن جو

مُکاشفہ 5:3

پر نہ اسمان اُتے نہ زمین اُتے تے نہ زمین دے تلے کوئی بندہ ہا جیہڑا اُوں طُومار کُوں کھول تے اُونکُوں پڑھ سگے۔