فِلیمون 1:7 - کِتاب مُقدّس سرائیکی ترجمہ

⁷ کیوں جو بِھرا، میکُوں تیڈی محبت تُوں بہُوں خوشی تے تسلی مِلی ہے کیوں جو تَیں مُقدّساں دے دِلاں کُوں تازہ کیتے۔

فِلیمون 1:7 Iomraidhean Croise

1کُرِنتھِیوں 16:18

اُنہاں میڈی تے تُہاڈی رُوح کُوں تازہ کیتے۔ بس ایجھیاں دی قدر کیتا کرو۔

2کُرِنتھِیوں 7:13

اِیں واسطے ساکُوں تسلی ہے۔ تے اِیں تسلی دے علاوہ طِطُس کُوں خوش ڈیکھ تے ساکُوں بئی وی خوشی تھئی کیوں جو تُساں ساریاں دے سببّوں اُوندی رُوح وَل تازہ تھی گئی۔

2کُرِنتھِیوں 7:4

مَیں بہُوں دلیری نال تُہاڈے نال گالھیں کریندا ہاں، پر میکُوں تُہاڈے اُتے فخر وی ہے۔ مَیں تسلی نال بھریج گِیا ہاں تے مُصیبتاں ءچ وی میڈا دل خوشی نال بھریا ہے۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

1تھِسّلُنیکیوں 3:9

جیہڑی خوشی تُہاڈی وجہ تُوں ساکُوں خُدا دے حضُور حاصل تھئی ہے، اُوندے بدلے ءچ اساں خُدا دا جِتنا وی شُکر ادا کرُوں گھٹ ہوسی۔

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

فِلیمون 1:20

ہا بِھرا، خُداوند دی خاطر میڈے اُتے ایہ مہربانی کر جو میکُوں تَیں تُوں کوئی فائدہ مِلے۔ مسیح ءچ میڈے دل کُوں تازہ کر۔

2 یُوحنّا 1:4

جِیں ویلے میکُوں پتہ چلیا جو تیڈے کُچھ فرزند باپ دے حُکم دے مطابق سچائی اُتے ٹُردے ریہے ہِن تاں میکُوں خوشی تھئی۔