4 میں تیکُوں آپنڑیاں دُعاواں ءچ یاد کر تے ہمیشاں آپنڑے خُدا دا شُکر کریندا ہاں
پہلے تاں مَیں تُساں ساریاں کیتے یسُوع مسیح دے وسیلے نال آپنڑے خُدا دا شُکر کریندا ہاں جو تُہاڈے اِیمان دی مشہوری ساری دُنیا ءچ تھیندی پئی ہے۔
تُہاڈے کیتے خُدا دا شُکر کرݨ کنُوں باز نئیں آندا تے آپنڑیاں دُعاواں ءچ تُہاکُوں یاد کریندا ہاں۔
مَیں جڈاں وی تُہاکُوں یاد کریندا ہاں، آپنڑے خُدا دا شُکر کریندا ہاں۔
اساں جِیں ویلے وی تُہاڈے کیتے دُعا کریندے ہیں تاں ہمیشاں آپنڑے خُداوند یسُوع المسیح دے باپ، یعنی خُدا دا شُکر ادا کریندے ہیں
تُساں ساریاں کیتے اساں ہمیشاں خُدا دا شُکر ادا کریندے ہیں، تے آپنڑیاں دُعاواں ءچ ہر ویلے تُہاکُوں یاد رکھیندے ہیں۔
بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔
مَیں خُدا دا شُکر ادا کریندا ہاں جیندی عبادت مَیں آپنڑے پِیُو ڈاڈے دی طرحاں نیک نیّتی نال کریندا ہاں، تے تیکُوں ڈینہہ رات آپنڑیاں دُعاواں ءچ یاد کریندا ہاں۔
کیوں جو میں سُنڑدا ہاں جو تُوں خُداوند یسُوع مسیح اُتے اِیمان رکھیندیں تے خُدا دے سارے مُقدّساں کیتے محبت رکھیندیں۔